కరోనా సృష్టికర్త.. బిల్ గేట్స్: వైరస్ పుట్టుక వెనక ఆయన హస్తం: ట్రంప్ రాజకీయ సలహాదారుడు

న్యూయార్క్: భయానక కరోనా వైరస్ ప్రపంచ దేశాలను చుట్టుబెట్టిన ప్రస్తుత పరిస్థితుల్లో అమెరికా అధ్యక్షుడు డొనాల్డ్ ట్రంప్ రాజకీయ సలహాదారుడొకరు దాని పుట్టుక గురించి సరికొత్త అనుమానాలను లేవనెత్తారు. వైరస్ పుట్టుక వెనుక కుట్ర కోణం దాగి ఉందని అన్నారు. కరోనా వైరస్ పుట్టుకుని రావడానికి మైక్రోసాఫ్ట్ వ్యవస్థాపకుడు బిల్ గేట్స్ ప్రధాన కారణమనే అనుమానాన్ని ఆయన వ్యక్తం చేశారు. ఆయన పేరు-రోజర్ స్టోన్.

డొనాల్డ్ ట్రంప్ రాజకీయ సలహదారుడిగా, అమెరికా అధ్యక్ష ఎన్నికల్లో ఆయన ప్రచార కార్యక్రమాల పర్యవేక్షకుడిగా వ్యవహరించారు రోజర్ స్టోన్. తాజాగా ఆయన 970 ఎఎం రేడియో ది ఆన్సర్ పేరుతో నిర్వహించిన ఓ ఇంటర్వ్యూలో ఈ విషయాన్ని వెల్లడించారు. కరోనా వైరస్ పుట్టుకుని రావడంలో బిల్ గేట్స్ పాత్ర కొద్దో, గొప్పో ఉంటుందనే అనుమానాలు వ్యక్తమౌతున్నాయని, ప్రపంచవ్యాప్తంగా ఈ అంశంపై చర్చ సాగుతోందని అన్నారు.

కరోనా వైరస్ వ్యాప్తి చెందడంలో బిల్‌గేట్స్ సహా ప్రపంచవ్యాప్తంగా కొందరు మేధావుల హస్తం ఉందని తాను అనుమానిస్తున్నట్లు చెప్పారు. తాము తయారు చేసిన వ్యాక్సిన్లు, తాము రూపొందించిన మైక్రో చిప్‌లను వినియోగించేలా ప్రపంచ దేశాల ప్రజలు వినియోగించేలా ఓ అసహాయ పరిస్థితిని తీసుకుని రావడమే దీనికి ప్రధాన కారణమై ఉండొచ్చని రోజర్ స్టోన్ అన్నారు. వారి ప్రయత్నం బెడిసి కొట్టినట్టు కనిపిస్తోందని వ్యాఖ్యానించారు. మృతదేహాలకు వ్యాక్సిన్లు అవసరమా? అంటూ ఎదురు ప్రశ్న వేశారు.

తనకు కొంతమంది కన్జర్వేటివ్‌కు చెందిన స్నేహితులు ఉన్నారని, వారితో ఈ విషయాన్ని చర్చించినట్లు రోజన్ పేర్కొన్నారు. దీన్ని కొందరు తోసిపుచ్చారని, మరి కొందరు తనతో ఏకీభవించినట్లు చెప్పారు. 2016లో అమెరికా అధ్యక్ష ఎన్నికల సందర్భంగా రోజర్ స్టోన్.. డొనాల్డ్ ట్రంప్ ప్రచార కార్యక్రమాలను పర్యవేక్షించారు. ఈ సందర్భంగా కొన్ని వివాదాలను ఆయనను చుట్టుముట్టాయి. ఫలితంగా 40 నెలల పాటు ఆయన జైలులో ఉన్నారు.

English summary

Roger Stone, President Trump’s convicted former campaign adviser, boosted a conspiracy theory Monday blaming Microsoft co-founder Bill Gates for the novel coronavirus pandemic. “Whether Bill Gates played some role in the creation and spread of this virus is open for vigorous debate,” Stone said. “I have conservative friends who say it’s ridiculous, I have others who say it’s absolute,” Stone continued. “But here is what I do know for certain: He and other globalists are definitely using it for mandatory vaccinations and microchipping people so we can tell, quote unquote, whether you’ve been tested.”