అన్‌బిలీవబుల్: అద్దం పగులగొట్టి కార్లో కూర్చున్నఒంటె

రియాద్: ఓ ఒంటె కారు ఎక్కి దర్జాగా సీట్లో కూర్చున్న సంఘటన సౌదీ అరేబియాలో జరిగింది. కారులో కూర్చొని అది కాసేపు కంగారు పెట్టింది. ఇద్దరు వ్యక్తులు సరదాగా డ్రైవ్‌కి వెళ్లారు. ఇంతలో అక్కడకు ఓ ఒంటె వచ్చింది. దీంతో వారు కారు నెమ్మది చేశారు.

అయితే, ఆ ఒంటె పూనకం వచ్చిన దానిలా కారు పైకి ఎక్కింది. కాలితో అద్దాన్ని ధ్వంసం చేసింది. టాప్ పైకి ఎక్కి దాన్ని ధ్వంసం చేసి సీట్లో కూలబడింది. ఈ ఘటనలో కారులో కూర్చున్న వ్యక్తులకు రక్తస్రావం అయింది. ఈ ఘటన మొత్తాన్ని అక్కడే ఉన్నవారు వీడియో తీసి సోషల్ మీడియాలో పెట్టారు.

ఈ వీడియో ఇప్పుడు ఇంటర్నెట్లో హల్‌చల్ చేస్తోంది. వీడియోలో సదరు ఒంటె... అద్దం ముక్కలై, టాప్ లేచిపోయిన కారులో నుంచి ఒంటె పైకి తలెత్తి చూస్తున్నట్లుగా ఉంది. కాగా, ఈ వీడియోను గురువారం వరకు కొన్ని గంటల్లోనే ఇరవై అయిదువేల మందికి పైగా చేశారు.

English summary

Unbelievable moment camel ends up sitting inside car after smashing through windscreen.