అమెరికాలో మెర్జ్ అయితేనే మీకు మంచిది: పట్టు వదలని ట్రంప్
Canada merger with US: అమెరికా అధ్యక్షుడు డొనాల్డ్ ట్రంప్.. తన చిరకాల కోరికను మరోసారి బయటపెట్టుకున్నారు. ఇది-గతంలో వివాదానికి తెర తీసినప్పటికీ ఆయన వెనక్కి తగ్గట్లేదు. పొరుగుదేశం కెనడాను విలీనం చేసుకోడానికి ఉద్దేశించిన ప్రతిపాదనల దుమ్ము దులిపారు.
కెనడాను అమెరికాలో విలీనం చేసుకున్నట్లు.గతంలో డొనాల్డ్ ట్రంప్ రెండు కొత్త మ్యాప్లను విడుదల చేసిన విషయం తెలిసిందే. అమెరికా, కెనడా దేశాలపై జాతీయ జెండా పరిధిలోకి తీసుకొచ్చారు. Oh Canada! అనే క్యాప్షన్ దానికి జత చేశారు అప్పట్లో. అధ్యక్షుడిగా ప్రమాణ స్వీకారం చేయడానికి ముందే ఈ వివాదానికి బీజం వేశారు. ఈ క్రమంలో కెనడా ప్రధానమంత్రిని గవర్నర్ ఆఫ్ కెనడాగా సంబోధించారు.
తన సారథ్యంలో కొత్త ప్రభుత్వం ఏర్పాటైన తరువాత కెనడాను 51వ రాష్ట్రంగా గుర్తిస్తామంటూ డొనాల్డ్ ట్రంప్ వ్యాఖ్యానించారు. ఆ తరువాతే ఈ కొత్త మ్యాప్ను పోస్ట్ చేశారు. కెనడాను విలీనం చేసుకోవడానికి ఎకనామిక్ ఫోర్స్ను ప్రయోగిస్తాననీ వ్యాఖ్యానించారు. ఇప్పుడు దాన్ని చేతల్లో చూపిస్తోన్నారు.
తాజాగా వైట్ హౌస్ ప్రెస్ సెక్రెటరీ కరోలినా లెవిట్ ఇదే అంశంపై మాట్లాడారు. వైట్ హౌస్లో ఏర్పాటు చేసిన విలేకరుల సమావేశంలో దీన్ని ప్రస్తావించారు. కెనడాపై డొనాల్డ్ ట్రంప్ అభిప్రాయం ఏమీ మారలేదని అన్నారు. అమెరికా 51వ రాష్ట్రంగా కెనడాను గుర్తించడానికి, దాన్ని విలీనం చేసుకోవడానికీ ట్రంప్ కట్టుబడి ఉన్నారని చెప్పారు.
జాతీయ భద్రతను దృష్టిలో పెట్టుకుని కెనడాను విలీనం చేసుకోవాలని భావిస్తోన్నారని, ఏ రకంగా చూసినా అమెరికాలో కెనడా విలీనం కావడమే మంచిదని వ్యాఖ్యానించారు. ఈ మధ్యకాలంలో కెనడా విలీనం గురించి డొనాల్డ్ ట్రంప్ ఎక్కడా మాట్లాడట్లేదని, అయినంత మాత్రాన ఆ విషయాన్ని మరిచిపోయినట్టు కాదని చెప్పారు. ప్రతి రోజూ దీనిపై ఆయన స్టాఫ్తో చర్చిస్తోన్నారని వివరించారు.
కెనడా రక్షణ శాఖ పరిధి చాలా పరిమితంగా ఉంటోందని, ఎక్కువగా తమ దేశ సైనిక శక్తి మీద ఆధారపడుతోందని డొనాల్డ్ ట్రంప్ అభిప్రాయపడుతున్నట్లు కరోలినా లెవిట్ చెప్పారు. సైనిక చర్య ద్వారా కెనడాను విలీనం చేసుకోవాలనుకునే అభిప్రాయం ఆయనకు లేదని తేల్చిచెప్పారు.
ఎకనమిక్ ఫోర్స్ ద్వారా కెనడాను విలీనం చేసుకోవాలనుకుంటోన్నట్లు డొనాల్డ్ ట్రంప్ గతంలో ప్రస్తావించిన విషయాన్ని ఆమె ఈ సందర్భంగా గుర్తుచేశారు. అమెరికాలో విలీనమైతేనే కెనడాకు అన్ని రకాలుగా మేలు కలుగుతుందని కరోలినా స్పష్టం చేశారు. ట్రంప్ అధికారంలోకి వచ్చిన వెంటనే కెనడాపైనా టారిఫ్ను విధించారని ఓ ప్రశ్నకు బదులిచ్చారు.
Click it and Unblock the Notifications
Sign in with Google