చిప్స్ వేయించుకోవడానికి ఓవెన్ తెరవగానే మూడు అడుగుల పాము

మాంచెస్టర్: బ్రిటన్‌లో చిప్స్ తయారు చేసుకునేందుకు ఓవెన్ బయటకు తీయగా, అందులో మూడు అడుగుల పాములు కనిపించడంతో కంగు తిన్నారు. మాంచెస్టర్‍‌లోని ఓ వృద్ధ మహిళకు ఈ అనుభవం ఎదురైంది. ఆ తర్వాత తన భర్త ద్వారా జంతు సంరక్షణ అధికారులకు ఫోన్ చేసి కాపాడాలని కోరింది.

దీనిపై ఆమె మాట్లాడుతూ.. తాను ఓవెన్ మూత తీయగానే షాకయ్యానని, ఈ మధ్యే తనకు కంటి ఆపరేషన్ జరిగిందని, నా కళ్లు ఏమన్నా మోసం అని పొరబడ్డానని, వెంటనే తన భర్తను పిలిచి చూపించానని, పాము నిజంగానే ఉందని ఆ మహిళ వెల్లడించారు.

ఆ మహిళ గతంలోనే పాము కనిపించందని, జంతు సంరక్షణ బృందానికి సమాచారం అందించిందని, కానీ అప్పుడు వారు వచ్చి వెతికినా ఎక్కడా కనిపించలేదని, అది ఇప్పుడు ఓవెన్‌లో ప్రత్యక్షమైందని జంతు సంరక్షణ బృందంలోని వారు ఒకరు చెప్పారు.

ఆ పామును పట్టుకోగానే ఇన్‌స్పెక్టర్‌కు సదరు మహిళ ఆనందంగా హగ్ ఇచ్చింది. ఆ తర్వాత కాఫీ ఇచ్చింది. అయితే ఆ జాతి పాములు చాలా వేగంగా తప్పించుకు తిరుగుతాయని, విషపూరితమైనవి కావని చెప్పారు.

English summary

An elderly couple in UK were recently left shocked when they opened their oven to cook some chips and found a snake inside.