ప్రపంచంలోనే తొలిసారి.. డ్రోన్ జంప్ చేసిన స్కైడైవర్.. (వీడియో)

ప‌్ర‌పంచంలోనే తొలిసారిగా ఓ స్కైడైవ‌ర్‌ ఓ డ్రోన్‌ను ప‌ట్టుకొని వెయ్యి అడుగుల ఎత్తున ఆకాశంలోకెళ్లి అక్క‌డ నుంచి జంప్ చేశాడు. ఈ వీడియో ఇప్పుడు నెట్‌లో వైర‌ల్ అయింది.. మీరూ చూడండి!

లాత్వియా: ప‌్ర‌పంచంలోనే తొలిసారిగా ఓ స్కైడైవ‌ర్‌ 'డ్రోన్ జంప్' చేశాడు. లాత్వియాలోని అమాటాలో గ‌త శుక్ర‌వారం ఈ డేర్‌డెవిల్ స్టంట్ చేశాడ‌త‌డు. డ్రోన్‌ను ప‌ట్టుకొని వెయ్యి అడుగుల ఎత్తుకెళ్లిన స్కైడైవ‌ర్ ఇంగ‌స్ ఆగ్‌స్టాకాన్స్.. అక్క‌డ నుంచి జంప్ చేశాడు.

ఈ వీడియో ఇప్పుడు నెట్‌లో వైర‌ల్ అయింది. మే 12న దీనిని యూట్యూబ్‌లో అప్‌లోడ్ చేయ‌గా.. ఇప్ప‌టికే మూడు ల‌క్ష‌ల‌కుపైగా వ్యూస్ వ‌చ్చాయి. డ్రోన్ల ద్వారా ఎన్ని ప్ర‌యోజ‌నాలు ఉంటాయో చెప్ప‌డానికే ఈ డ్రోన్ డైవింగ్‌ ప్లాన్ చేసిన‌ట్లు త‌యారీ కంపెనీ వెల్ల‌డించింది.

ఇదేం చిన్నా చితకా డ్రోన్ కాదు. ఏకంగా మనిషినే ఆకాశంలోకి తీసుకెళ్లగలదు. ఈ డ్రోన్ ధ‌ర మ‌న కరెన్సీలో రూ.23 ల‌క్ష‌లు. గంట‌కు గ‌రిష్ఠంగా 150 కిలోమీట‌ర్ల వేగంతో ప్రయాణిస్తుంది. 200 కేజీల వరకు బ‌రువు మోయ‌గ‌ల‌దు.

English summary

Here's an extreme sport you haven't heard of yet: drone-diving. A drone company in Latvia claims to have pulled off what it calls "the world's first drone jump." In a video posted on YouTube, Aerones's 28-propeller drone hoists a skydiver over 1,000 feet in the air after which he lets go of the handlebar, freefalls briefly before deploying a parachute to set him down safely back on the ground. Since being uploaded on May 12, the video has been viewed over 275,000 times.