జింకను అనుకొని కాలిస్తే చనిపోయింది మాత్రం తండ్రి
జింకగా భావించిన జరిపిన కాల్పుల్లో తండ్రిని కోల్పోయాడు ఓ యువకుడు. ఈ ఘటన అమెరికాలో చోటుచేసుకొంది. న్యూయార్క్ లో ఓ యువకుడు తన ఇంటికి సమీపంలో జింకను వేటాడేందుకు వెళ్ళాడు. అయితే ఈ ఘటనలో పొరపాటున తండ్రిని క
న్యూయార్క్ :జింక మాంసం తినాలనే కోరిక తండ్రిని మట్టుబెట్టింది. వేటలో జింకను చంపి మాంసం తినాలని భావించాడు ఓ యువకుడు. అయితే జింకగా భావించి తుపాకితో కాల్చడంతో కన్న తండ్రి చనిపోయాడు ఈ ఘటన న్యూయార్క్ లో చోటుచేసుకొంది.
న్యూయార్క్ కు చెందిన క్రిష్టఫర్ అనే యువకుడు తన ఇంటికి సమీపంలో ఉన్న అటవీ ప్రాంతంలో వేటకు వెళ్లాడు. అతనికి జింక కన్పించింది. జింను వేటాడాలని భావించారు. అదే అతని కొంప ముంచింది.
జింకను చంపేందుకు సమీపంలోని చెట్టు ఎక్కాడు. జింక తిరిగే ప్రాంతంలో కాల్పులు .జరిపాడు. అయితే ఈ కాల్పుల కారణంగా ఆయన తండ్రినే కోల్పోవల్సి వచ్చింది. కొడుకుకు తెలియకుండా తండ్రి కూడ జింకను వేటాడేందుకు అదే ప్రాంతానికి వచ్చాడు.
ముందుగా జింకకు అతి సమీఫానికి తండ్రి చేరుకొని చెట్ల పొదల్లో దాక్కున్నాడు.అదను చూసి జింకపై కాల్పులు జరపాలని భావించాడు. అయితే వెనుక ఉన్న కొడుకు చెట్ల పొదల్లో అలికిడి విన్నాడు. అక్కడే జింక ఉందని భావించి కాల్చాడు. ఈ కాల్పుల్లో తండ్రి అక్కడికక్కడే మరణించాడు.