దావూద్ భయంతోనే చిక్కిన ఛోటా రాజన్

బాలి: గ్యాంగస్టర్ ఛోటా రాజన్ అరెస్టుకు సంబంధించిన క్రెడిట్‌ను ఎవరికి వాళ్లు కొట్టేయాలని ప్రయత్నిస్తున్న ప్రస్తుత వాతావరణంలో కొత్త విషయం వెలుగులోకి వచ్చింది. అయితే తాను పోలీసులకు చిక్కే విధంగా చోటా రాజనే ఏర్పాటు చేసుకున్నట్లు ప్రచారం సాగుతోంది.

రెండు దశాబ్దాలకు పైగా అధికారులకు, తన ప్రత్యర్థి దావూడ్ ఇబ్రహీంకు దొరక్కుండా తప్పించుకు తిరుగుతున్న ఛోటా రాజన్‌కు వయస్సు కూడా మీద పడుతోంది. అతనికి 55 ఏళ్ల వయస్సు వచ్చింది. దీంతో తనంత తానే పోలీసుల చేతికి చిక్కినట్లు భావిస్తున్నారు.

ఆస్ట్రేలియా పోలీసులు ఇచ్చిన సమాచారం మేరకు ఛోటా రాజన్‌ను నివాస ప్రాంతంలోనే అతన్ని పట్టుకున్నారు. అయితే, ఛోటా రాజన్ అధికారులకు తానే సమాచారం ఇచ్చి తనను అరెస్టు చేసే విధంగా చూసుకున్నాడని అంటున్నారు.

ఛోటా రాజన్ ఆరెస్టుతో ముంబైకి తిరిగి వచ్చిన అతని కుటుంబం కూడా ఊరట పొందింది. 2011లో జరిగిన జర్నలిస్టు జేడె హత్య కేసులో అతను నిందితుడు. రాజన్‌ను ఛోటా షకీల్ ఈ ఏడాది జులైలో ఆస్ట్రేలియాలో చంపేందుకు ప్రయత్నిస్తున్నట్లు చెబుతున్నారు.

English summary

Government agencies might be taking all the credit for capturing Chhota Rajan, but if sources in Mumbai Police are to be believed, the infamous gangster was the architect of his own arrest.