Shakira: పన్ను ఎగవేత కేసులో భారీగా జరిమానా చెల్లించడానికి సిద్ధమైన పాప్ సింగర్ షకీరా..

కొలంబియా సూపర్ స్టార్ షకీరా పన్ను మోసం కేసులో భారీగా పన్ను చెల్లించాల్సి వచ్చింది. ఆమె నమోదైన కేసును పరిష్కరించడానికి స్పానిష్ ప్రాసిక్యూటర్‌లతో సోమవారం సెటిల్‌మెంట్‌ చేసుకుంది. ఇందులో భాగంగా మిలియన్ల యూరోలను జరిమానాగా చెల్లించనుంది. ఒప్పందం ప్రకారం 46 ఏళ్ల గాయకురాలిపై పన్ను మోసం కేసులో విచారణ ఎదుర్కొంటున్నారు. షకీరా మూడు సంవత్సరాల సస్పెండ్ శిక్షను స్వీకరించడానికి, 7.3 మిలియన్ యూరోలు ($7.98 మిలియన్) జరిమానాగా చెల్లించడానికి అంగీకరించింది.

2012, 2014 మధ్యకాలంలో సంపాదించిన ఆదాయంపై సూపర్‌స్టార్ 14.5 మిలియన్ యూరోల ($15.7 మిలియన్లు) స్పానిష్ రాష్ట్రాన్ని మోసగించారని ప్రాసిక్యూటర్లు ఆరోపించారు. పింక్ సూట్, సన్ గ్లాసెస్ ధరించిన గాయని బార్సిలోనా కోర్ట్‌హౌస్‌లోకి ఓ కార్యక్రమానికి హాజరైనప్పుడు విలేకరులతో మాట్లాడలేదు. "నేను గత కొన్నేళ్లుగా ఒత్తిడి, భావోద్వేగాలను అధిగమించాను. నేను ఇష్టపడే విషయాలపై దృష్టి పెట్టాలి. నా పిల్లలు, నా కెరీర్‌లో రాబోయే అన్ని అవకాశాలు, నా రాబోయే ప్రపంచ పర్యటన, నా కొత్త ఆల్బమ్‌తో సహా అన్నింటిపై దృష్టి పెడతాను" అని ఆమె చెప్పింది.

2010 ప్రపంచ కప్ ఫుడ్ బాల్ వరల్డ్ కప్ సందర్భంగా షకీరా "వాకా వాకా" పాటుతో ప్రపంచవ్యాప్తంగా గుర్తింపు పొందారు. షకీరాను లాటిన్ పాప్ క్వీన్ అని పిలుస్తారు. షకీరా తన కేరీర్ లో సగానికి పైగా స్పెయిన్‌లో గడిపారు. దీంతో ఆమె ఆ దేశంలో పన్నులు చెల్లించి ఉండాలి. కానీ ఆమె పన్ను చెల్లించకపోవడంతో కేసు నమోదు చేశారు. మాజీ FC బార్సిలోనా స్టార్ డిఫెండర్ గెరార్డ్ పిక్‌తో ఆమె సంబంధం 2011లో పబ్లిక్‌గా మారిన తర్వాత ఆమె స్పెయిన్‌కు వెళ్లిందని, అయితే 2015 వరకు బహామాస్‌లో అధికారిక పన్ను రెసిడెన్సీని కొనసాగించారని వారు చెప్పారు.

2014 వరకు షకీరా సంచార జీవితాన్ని గడుపుతున్నారని షకీరా న్యాయవాదులు వాదించారు. ఆమె అంతర్జాతీయ పర్యటనల నుంచి చాలా డబ్బు సంపాదించారని, జనవరి 2015లో తన రెండవోకుమారుడు పుట్టకముందే ఆమె బార్సిలోనాకు శాశ్వతంగా మారిందని వాదించారు. ఫుట్‌బాల్ స్టార్లు లియోనెల్ మెస్సీ మరియు క్రిస్టియానో రొనాల్డో వంటి ప్రముఖులపై పూర్తి స్థాయిలో పన్నులు చెల్లించనందుకు స్పెయిన్ వారి పై కఠిన చర్యలకు ఉపక్రమించింది.

English summary

Colombian superstar Shakira had to pay huge tax in tax fraud case. She reached a settlement with Spanish prosecutors on Monday to resolve the case filed against her.