అంగారకుడిపై ఉండే లాంటి మట్టి కేజీ రూ.1450, ఆర్డర్ చేయవచ్చు!
న్యూయార్క్: అంగారకుడిపై ఉండే లాంటి మట్టిని మన శాస్త్రవేత్తలు ఇక్కడి ప్రయోగశాలల్లో తయారు చేస్తున్నారు. మార్స్ పైన ఆహారాన్ని పండించే మార్గాలపై జరిపే పరిశోధనలకు ఈ మట్టి తోడ్పడుతుంది. ఇలా ఇతర గ్రహాలు, గ్రహశకాలపై ఉండే లాంటి మట్టిని రుపొందించేందుకు అమెరికాలోని సెంట్రల్ ఫ్లోరిడా విశ్వవిద్యాలయం ఓ ప్రత్యేక పద్ధతిని అభివృద్ధి చేసింది.
కృత్రిమంగా రూపొందించిన మట్టిని వారు సిమ్యులెంట్ అంటున్నారు. అంగారకుడిపై నాసా క్యూరియాసిటీ రోవర్ సేకరించిన మట్టి రసాయన లక్షణాల ఆధారంగా ఆ గ్రహపు మట్టిని రూపొందించారు.
అంగారకుడిపై మానవులు ఆవాసాలు ఏర్పాటు చేసుకుంటే ఆహారం, నీరు, ఇతర సామాగ్రి సమకూర్చుకునే మార్గాలను అన్వేషించడం అవసరమని పరిశోధకులు చెబుతున్నారు. కాగా, అంగారకుడిపై ఉండే లాంటి కృత్రిమ మట్టిని 20 డాలర్లకు కిలో ఇస్తున్నారు. మన రూపాయల్లో దాదాపు రూ.1450.
Click it and Unblock the Notifications
Sign in with Google