ప్రియురాలితో భర్త: నడిరోడ్డుపై భార్య ఇలా(వీడియో)
కొలంబియా: ఓ వ్యక్తి తన ప్రియురాలితో కలిసి కారులో వెళ్తూ ఏకంగా తన భార్యకే దొరికిపోయాడు. ఇంకేముంంది? తనను కాదని మరో యువతితో తిరుగుతున్న భర్తను చూసి ఆమె తీవ్ర ఆగ్రహంతో ఊగిపోయింది.
అంతటితో ఆగకుండా, నడిరోడ్డుపై కారుకు అడ్డంగా నిలబడి బెత్తంతో చూపిస్తూ.. నా కారులోంచి ఆమెను దింపుతావా? లేదా? అంటూ కేకలు వేయడం మొదలెట్టింది. దీంతో అక్కడ భారీగా ట్రాఫిక్ జాం అయ్యింది.
కాగా, నడిరోడ్డుమీద భర్తను తిడుతూ ఆమె చేస్తున్న హడావుడికి మరికొందరు తోడయ్యారు. అందరూ కలిసి నినాదాలు చేస్తూ కారు తలుపులు తెరవమని గొడవచేశారు. అడ్డంగా దొరికిపోయిన కారులోని వారికి ఏంచేయాలో పాలుపోక పోలీసులకు ఫోన్ చేశారు. వారు వచ్చి కూడా కాసేపు ఏమీ చేయలేకపోయారు.
చివరికి ఓ ఉన్నతాధికారి వచ్చి భార్యను, ఆమెకు మద్దతిస్తూ నిలిచినవారికి నచ్చజెప్పి, సదరు భర్తగారిచేత కారు తలుపు తెరిపించారు. కారులో ఉన్న మరో మహిళను సురక్షితంగా అవతలికి పంపారు.
భార్యాభర్తలకు సర్దిచెప్పి ట్రాఫిక్ని పునరుద్ధరించారు. కాగా, ఈ తతంగమంతా కొందరు వీడియోలు తీసేసి సోషల్మీడియాల్లో పోస్ట్ చేశారు. దీంతో ఈ భార్యభర్తల వ్యవహారం వీడియో ఇప్పుడు ఆన్లైన్లో హల్చల్ చేస్తోంది.