Get Updates
Get notified of breaking news, exclusive insights, and must-see stories!

హమాస్ అరాచకాలు ఐఎస్‌ను మించిపోయాయి: గాజాకు భారీ సాయం ప్రకటించిన జో బైడెన్

By
Time

జెరూసలెం: హమాస్ మిలిటెంట్లకు ఐఎస్ఐఎస్ ఉగ్రవాదులకు పెద్ద తేడా ఏమీ లేదని అన్నారు అమెరికా అధ్యక్షుడు జో బైడెన్. ఇజ్రాయెల్ దేశంలో పర్యటిస్తున్న బైడెన్ ఈ మేరకు వ్యాఖ్యానించారు. గాజాలో ఆస్పత్రిపై రాక్షసంగా దాడి చేసి 500 మందికిపైగా ప్రాణాలు తీసింది హమాస్ ఉగ్రవాదులేనని అనుమానం వ్యక్తం చేశారు. హమాస్ ఉగ్రవాదుల దాడులతో అనేక మంది ప్రాణాలు కోల్పోయారన్నారు.

ఇజ్రాయెల్ పర్యటనలో ఉన్న జో బైడెన్.. ఆ దేశ ప్రధాని బెంజిమన్ నెతన్యాహుతో భేటీ అయ్యారు. ఇరువైపుల నుంచి దాడులతో ప్రజలు మరణించడం బాధ కలిగిస్తోందని బైడెన్ వ్యాఖ్యానించారు. గతంలో అమెరికా చేసిన తప్పులను ఇజ్రాయెల్ చేయకూడదని సూచించారు. అమాయక ప్రజల ప్రాణాల పట్ల జాగ్రత్తగా వ్యవహరించాలని సూచించారు.

Hamas atrocities make ISIS look rational: Joe Biden, announces $100 million aid for Gaza

కాగా, గాజాలోని ఆస్పత్రిపై హమాస్ ఉగ్రవాదులే దాడులు చేశారని.. తమ వద్ద ఆధారాలు కూడా ఉన్నాయని ఇజ్రాయెల్ ఇప్పటికే ప్రకటించిన విషయం తెలిసందే. ఈ దాడులకు సంబంధించి హమాస్ ఉగ్రవాదులు జరిపిన సంభాషణల ఆడియోను విడుదల చేసింది. పలు వీడియోలను కూడా బయటపెట్టింది. అయితే, హమాస్ ఉగ్రవాదులు మాత్రం దాడులకు బాధ్యత వహించడం లేదు. ఆ దాడి తమ పని కాదంటున్నారు.

గాజాగా భారీ సాయం ప్రకటించిన జో బైడెన్

ఇరువైపుల నుంచి జరుగుతున్న దాడులతో గాజాలోని వేలాది మంది ప్రజలు నిత్యావసరాలు కూడా దొరక్క తీవ్ర ఇబ్బందులు పడుతున్నారు. నీరు కూడా దొరక్క గాజా, వెస్ట్ బ్యాంక్‌లో నివసిస్తున్న పాలస్తీనా ప్రజల పరిస్థితి అత్యంత దయనీయంగా మారింది. ఈ నేపథ్యంలోనే అమెరికా అధ్యక్షుడు జో బైడెన్.. ఈ ప్రాంత ప్రజల కోసం 100 మిలియన్ డాలర్ల మానవతా సాయాన్ని ప్రకటించారు. ఈ మేరకు ఆయన ట్విట్టర్ వేదికగా పోస్టు చేశారు. బెంజిమన్ నెతన్యాహుతో భేటీ అయిన తర్వాత బైడెన్ ఈ ప్రకటన చేశారు.

ఇజ్రాయెల్‌కు మద్దతు ప్రకటించిన బైడెన్.. మరోవైపు, మెజార్టీ పాలస్తీనా ప్రజలకు హమాస్ మిలిటెంట్లతో సంబంధం లేదని పేర్కొన్నారు. కాగా, హమాస్ ఉగ్రవాదులు, ఇజ్రాయెల్ దళాలు జరుపుతున్న దాడులతో గాజాలోని లక్షలాది మంది నిరాశ్రయులుగా మారారు. నిత్యావసరాలు లేకుండా తీవ్ర ఇబ్బందులు పడుతున్నారు. ఇప్పటికే లక్షల సంఖ్యలో ప్రజలు ఆ ప్రాంతాన్ని ఖాళీ చేసి ఇతర ప్రాంతాలకు తరలివెళుతున్నారు. ఇరువైపులా దాడులతో ఇప్పటికే అటు ఇజ్రాయెల్, ఇటు గాజాలో వేలాది మంది పౌరులు కూడా మరణించారు.

Published On October 19, 2023
More From
Prev
Next
Read more about:

Joe Biden america israel అమెరికా గాజా ఇజ్రాయెల్ పాలస్తీనా

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out