ఇవే: అమీర్ ఫ్యామిలీకి పాక్ టికెట్లు బుక్కయ్యాయి!

న్యూఢిల్లీ: అసహనంపై బాలీవుడ్ నటుడు అమీర్ ఖాన్ వ్యాఖ్యలు చేసిన నేపథ్యంలో ఆయనకు వ్యతిరేకంగా నిరసనలు వ్యక్తమవుతూనే ఉన్నాయి. తాజాగా అమీర్ కుటుంబం మొత్తం పాకిస్థాన్ వెళ్లేందుకు విమాన టికెట్లు బుక్కయ్యాయి.

అమీర్ ఖాన్, ఆయన భార్య, కొడుకు కోసం నవంబర్ 30న పాకిస్థాన్ వెళ్లేందుకు విమాన టికెట్లు బుక్ అయ్యాయని, వాటిని హిందూసేన బుక్ చేసిందని ఢిల్లీకి చెందిన ఓ పాత్రికేయుడు ట్వీట్ చేశారు.

Flight tickets to Pakistan booked by Hindu Sena for #AamirKhan & his family. @the_hindu @DelhiConnect @abaruah64 pic.twitter.com/Qj9IjgDi7R

— Shiv Sunny (@shivsunny) November 26, 2015

టికెట్ల కాపీలను కూడా ఆయన తన ట్విట్టర్ ఖాతాలో పోస్ట్ చేశారు. అయితే టికెట్లు అమీర్ ఖాన్, ఆయన భార్య కిరణ్ రావ్ ఖాన్, కొడుకు ఆజాద్ రావ్ ఖాన్ ముగ్గురి పేరు మీద టికెట్లు బుక్ అయినట్లు ఉంది గానీ, వాటిని ఎవరు బుక్ చేశారనడానికి మాత్రం అందులో ఎలాంటి ఆధారం లేదు.

ఇది ఇలా ఉండగా, అసహనం వ్యాఖ్యలు చేసిన అమీర్ ఖాన్ ఎవరు చెంప దెబ్బ కొడితే వారికి రూ. లక్ష రూపాయలు ఇస్తామని శివసేన ప్రకటించిన విషయం తెలిసిందే. ఎన్ని దెబ్బలు కొడితే అన్ని లక్షలు ఇస్తామంటూ శివసేన ప్రకటించింది.

English summary

The Punjab unit of the Shiv Sena has offered a Rs 1 lakh award to anyone who dares to slap Bollywood actor Aamir Khan for his recent comments on intolerance in India. Another group, in an outrageous form of protest, has also booked tickets to Pakistan for the actor.