చేయి నరుక్కున్న బాలుడు: వేడుక, ఇమామ్ అరెస్ట్
లాహోర్: పాకిస్థాన్లో ఓ బాలుడు తన చేయిని నరికి వేసుకోవడానికి కారణమయ్యాడన్న ఆభియోగంపై ఓ మతగురువును అక్కడి పోలీసులు అరెస్ట్ చేశారు. స్థానిక కోర్టులో ఆయనను ఆదివారం ప్రవేశపెట్టగా.. విచారణ కోసం రెండురోజుల కస్టడీకి అప్పగిస్తూ న్యాయమూర్తి ఆదేశించారు.
పోలీసుల కథనం ప్రకారం.. పంజాబ్ ప్రావిన్స్లోని ఒకరా జిల్లాలో గతవారం మత గురువు షబ్బీర్ ఆహ్మద్ ఓ కార్యక్రమాన్ని నిర్వహించాడు. ఆ కార్యక్రమంలో మహ్మద్ ప్రవక్త అంటే గౌరవం లేని వారు ఎవరో చేతులు లేపాలని షబ్బీర్ సూచించగా.. మత గురువు ప్రశ్నను సరిగా అర్ధం చేసుకోలేని బాలుడు మహమ్మద్ అన్వర్ పొరపాటున చేయి లేపాడు.
దీంతో దైవ దూషణకు పాల్పడ్డావంటూ ఆ బాలుడిపై మత గురువు ఆగ్రహం వ్యక్తం చేశాడు. అంతేగాక, దైవ దూషణాణకు కారణమైన చేయిని తెగ నరుక్కొంటేనే దానికి ప్రాయశ్చిత్తం జరుగుతుందని బాలుడికి సూచించాడు. దీంతో బాధతో ఇంటికి వెళ్లిన ఆ బాలుడు ఎత్తిన చేతిని తెగ నరుక్కొన్నాడు.
తన కుమారుడి చర్యకు తల్లిదండ్రులు, ఇరుగుపొరుగు వారు ఘనంగా ఓ వేడుకను కూడా జరుపుకొన్నారని స్థానిక పోలీసులు పేర్కొన్నారు.
ఈ ఘటనపై ఫిర్యాదు చేయకపోగా, మహ్మద్ ప్రవక్తపై ఉన్న ప్రేమను చూపించుకోవడానికి చేతిని నరుక్కొన్నాడని తల్లిదండ్రులు చెప్పడం గమనార్హం. అంతేకాకుండా, మత గురువుపై చర్య తీసుకోవడాన్ని బాలుడి కుటుంబం వ్యతిరేకించారని పోలీసుల పేర్కొన్నారు.
Click it and Unblock the Notifications
Sign in with Google