హైవేలో కార్ల మీదకు దూసుకెళ్లిన విమానం, పరుగో పరుగు, మొన్న మాస్కోలో!

వాషింగ్టన్: గాల్లోకి ఎగిరిన ఓ చిన్న విమానం నిమిషాల్లో హైవే మీదకు దూసుకెళ్లి అడ్డంగా వచ్చిన కార్లను ఢీకొనింది. అమెరికాలోని మేరిల్యాండ్ లో జరిగిన ఈ ప్రమాదంలో కారులో ఉన్న ఇద్దరికి గాయాలు కావడంతో ఆసుపత్రికి తరలించారు. అయితే అధికారులు మాత్రం విమానం ఢీకొనడంతో ఎలాంటి ప్రాణ నష్టం జరగలేదని అంటున్నారు. హైవే మీద విమానం ల్యాండ్ అయిన వీడియో వైరల్ అయ్యింది. మొన్న మాస్కోలో ఇలాగే గడ్డివాము మీద విమానం ల్యాండ్ అయ్యింది.

ప్రైవేట్ కంపెనీ సంస్థకు చెందిన ఈ విమానం గాల్లోకి ఎగిరిన (టేకాఫ్) కొంత సేపటికి సాంకేతిక లోపం కారణంగా హైవే మీదకు దూసుకు వచ్చిందని పోలీసులు అంటున్నారు. హైవే మీద వెలుతున్న కొన్ని కార్లను ఈ చిన్న విమానం ఢీకొనిందని పోలీసులు చెప్పారు.

విమానం హైవే మీదకు దూసుకు వచ్చిన సమయంలో కార్లలో ఉన్న వారు, స్థానికులు ఆందోళనతో పరుగు తీశారని ప్రత్యక్ష సాక్షులు చెప్పారు. సాదారణంగా ఇలాంటి లఘు విమానాలు కుప్పకూలిన సమయంలో కేసు నమోదు చేసి ప్రమాదం ఎలా జరిగింది అని విచారణ చేస్తామని మేరిల్యాండ్ పోలీసులు తెలిపారు.

ఇటీవల రష్యాలోని మాస్కోలో విమానం గాల్లోకి ఎగిరిన వెంటనే సాంకేతిక లోపం తలెత్తింది. వెంటనే పైలెట్ సమయస్పూర్తితో విమానాన్ని సమీపంలోని పోలంలో ఉన్న జోన్నల గడ్డివాము మీద ల్యాండ్ చెయ్యడంతో పెద్ద ప్రమాదం తప్పింది. గడ్డివాము మీద విమానం ల్యాండ్ కావడంతో ఎలాంటి ప్రాణహాని జరగలేదని మాస్కో అధికారులు తెలిపారు.

No one is injured after a plane crashes into car on a Maryland highway https://t.co/MlUXTBRNUj via @MailOnline

— Liz V (@ShoreEJV) September 13, 2019

English summary

America: In a Shocking incident a small crashed after takeoff and struck a car in Maryloand.