దుబాయ్లో అంతే: నెం. ప్లేట్ కోసం 59కోట్లు, దక్కించుకుంది మనోడే!
దుబాయి: మనదేశంలో తమ కొత్త వాహనాల కోసం తమకు నచ్చిన నెంబర్ కావాలంటూ కొందరు ప్రముఖులు ఒకటి రెండు కోట్లు చెల్లిస్తేనే మనం ఆశ్చర్యం వ్యక్తం చేస్తుంటాం. కానీ ఇక్కడ మాత్రం ఓ వ్యక్తి ఏకంగా 59 కోట్ల రూపాలయలు వెచ్చించాడు. అది కూడా దుబాయ్లో. అయితే అంత భారీ మొత్తంతో నెంబర్ ప్లేట్ దక్కించుకున్న అతడు కూడా భారతీయుడే కావడం విశేషం.
వివరాల్లోకి వెళితే.. ఇటీవల జరిగిన ఓ వేలంలో భారత్ దేశానికి చెందిన ఓ వ్యాపారవేత్త ఏకంగా దాదాపు 59కోట్లు వెచ్చించాడు. బల్వీందర్ సహానీ అనే వ్యాపార వేత్త డి5 అనే నెంబర్కు అక్షరాల 9మిలియన్ డాలర్లు(రూ.59కోట్లు) వెచ్చించారు.
ఇదే వ్యాపారవేత్త ఈ ఏడాది మొదట్లో ఒక నెంబర్ ప్లేట్కు రూ. 1.8కోట్లకు పైగా ఖర్చు చేశారు. నిరుడు 09 నెంబర్ప్లేట్ కోసం రూ.45కోట్లు ఖర్చు చేశారు.
యునైటెడ్ అరబ్ ఎమిరేట్స్లో చిన్న నెంబర్ ఉండటం హోదాకు చిహ్నం ఇక్కడ 2008లో సయీద్ అల్ కొహురీ ఒక నెంబర్ కోసం అక్షరాల రూ.90కోట్లకు పైగా ఖర్చుపెట్టడం గమనార్హం. అంటే ఇక్కడ నెంబర్ ప్లేట్ల కోసం కోట్లు వెచ్చించడం సాధారణమే అన్నమాట.