'వట్టిదే! నన్నెందరో ఆడవాళ్లు ఇష్టపడ్తారు, సెక్స్ అవసరం లేదు'
వాషింగ్టన్: భారతీయ యోగా గురు బిక్రమ్ చౌదరి తన పైన వచ్చిన అత్యాచార ఆరోపణలను తోసిపుచ్చారు. అతని పైన ఆరుగురు యువతులు సెక్సువల్ వేధింపుల ఆరోపణలు చేశారు. దీని పైన అతను ఓ ఇంటర్వ్యూలో స్పందించినట్లుగా ఆంగ్ల మీడియాలో వార్తలు వచ్చాయి.
ప్రజలకు, ప్రపంచానికి నిజం చెప్పాలనుకుంటున్నానని ఆయన ఆ ఇంటర్వ్యూలో చెప్పారు. తాను ఎవరిని లైంగికంగా వేధించలేదన్నారు. తనకు ఎవరినీ లైంగికంగా వేధించాలనే ఉద్దేశ్యం లేదని చెప్పారు. తనకు సెక్స్ కావాలనుకుంటే చాలామంది నుండి ఆఫర్స్ ఉన్నాయని చెప్పారు.
తనను చాలామంది మహిళలు ఇష్టపడతారని, ప్రేమిస్తారని చెప్పారు. నిజంగానే తనకు అలాంటి ఉద్దేశ్యం ఉంటే.. ఎవరినీ వేధించవలసిన అవసరం లేదని చెప్పారు. తన పైన ఆరోపణలు చేసిన వారిని చూసి తాను జాలి పడుతున్నానని చెప్పారు.
తనకు వారి పైన ఎలాంటి వ్యతిరేకత లేదన్నారు. వారు చెడ్డవారు అని తాను భావించడం లేదని, వారి వెనుక ఎవరో ఉండి ఇలా చేయిస్తున్నారని తాను భావిస్తున్నానని చెప్పారు. తన పైన వచ్చిన ఆరోపణలను ఆయన పదేపదే కొట్టిపారేశారు. అంతేకాకుండా, తనకు వారితో ఎలాంటి లైంగిక సంబంధం లేదని తేల్చి చెప్పారు.
కాగా, బిక్రమ్ చౌదరికి ముప్పై ఏళ్ల క్రితం పెళ్లైంది. అతను మాట్లాడుతూ.. తనకు ఏ మహిళతోను, ఏ విద్యార్థినితోను సెక్స్ చేయాలనే ఆలోచన లేదని చెప్పారు. కొందరు తాను శృంగారంలో పాల్గొనకుంటే.. విపరీత సంఘటనలకు పాల్పడిన సందర్భాలు ఉన్నాయని చెప్పారు.