అమెరికాకు మరో ఝలక్.. ఈసారి ఇరాన్ క్షిపణి ప్రయోగం!

అసలే ఉత్తరకొరియా చేత క్షిపణి పరీక్షలు ఎలా మాన్పించాలా అని మల్లగుల్లాలు పడుతున్న అమెరికాకు ఇరాన్ ఝలక్ ఇచ్చింది. అమెరికా హెచ్చరికలను పెడచెవిన పెట్టిన ఇరాన్ మరోసారి క్షిపణి పరీక్షలు నిర్వహించింది.

టెహ్రాన్: అసలే ఉత్తరకొరియా చేత క్షిపణి పరీక్షలు ఎలా మాన్పించాలా అని మల్లగుల్లాలు పడుతున్న అమెరికాకు ఇరాన్ ఝలక్ ఇచ్చింది. అమెరికా హెచ్చరికలను పెడచెవిన పెట్టిన ఇరాన్ మరోసారి క్షిపణి పరీక్షలు నిర్వహించింది.

తాజాగా మధ్యంతరశ్రేణి క్షిపణిని విజయవంతంగా పరీక్షిచినట్టు ఇరాన్ ప్రకటించింది. క్షిపణి పరీక్షలు చేపడితే.. ఇరాన్ తో చేసుకున్న చారిత్రక అణు ఒప్పందాన్ని రద్దుచేసుకుంటామని అమెరికా హెచ్చరించినా.. ఇరాన్ ఏమాత్రం లెక్కచేయలేదు.

శుక్రవారం నిర్వహించిన భారీ ఆయుధ కవాతులో ఖోరామ్ షాహ్ర్ క్షిపణిని కూడా ఇరాన్ ప్రదర్శించింది. త్వరలోనే ఆ క్షిపణిని పరీక్షిస్తామని కూడా పేర్కొంది. అంతలోనే శనివారం క్షిపణిని ప్రయోగిస్తున్న దృశ్యాలను కూడా ఇరాన్ ప్రభుత్వ టీవీ ప్రసారం చేసింది.

అయితే, ఈ క్షిపణిని ఇరాన్ ఎప్పుడు, ఎక్కడ పరీక్షించిందనే వివరాలను మాత్రం టీవీ వెల్లడించలేదు. ఇప్పటికే ఉత్తర కొరియా అణుపరీక్షలు, క్షిపణి పరీక్షలు నిర్వహిస్తుండటం అమెరికాకు ఒక గుదిబండగా మారగా, తాజాగా ఇరాన్ వ్యవహారం సవాల్ గా మారింది.

English summary

Iran said on Saturday that it had successfully tested a new medium-range missile in defiance of warnings from Washington that it was ready to ditch a landmark nuclear deal over the issue. State television carried footage of the launch of the Khoramshahr missile, which was first displayed at a high-profile military parade in Tehran on Friday. It also carried in-flight video from the nose cone. The broadcaster did not say when the test had been conducted, although officials had said on Friday that it would be tested "soon". Previous Iranian missile launches have triggered US sanctions and accusations that they violate the spirit of the 2015 nuclear deal between Tehran and major powers.