సెక్స్ బానిసగా ఎంతోమందితో: ఐసిస్ కమాండర్ని చంపి, మహిళ ప్రతీకారం
ఇరాక్: తనను సెక్స్ బానిసగా మార్చాడనే కోపంతో ఇరాక్ దేశానికి చెందిన ఓ మహిళ ఇస్లామిక్ స్టేట్ (ఐసిస్) ఉగ్రవాద సంస్థ కమాండర్ను మట్టుబెట్టింది. ఈ సంఘటన ఇరాక్లోని మోసుల్ ప్రాంతంలో చోటు చేసుకుంది.
ఇస్లామిక్ స్టేట్ చీఫ్ అబు అనాస్ అనే వ్యక్తి కుర్దిష్ మైనార్టీ వర్గానికి చెందిన మహిళను సెక్స్ బానిసగా మార్చాడు. ఆమెను పలువురికి విక్రయించాడు. దీంతో, అతని పైన ఆమె పగ పెంచుకుంది. అతనిని చంపాలని నిర్ణయించుకొని, అతనిని కాల్చి చంపేసింది.
అబూ అనాస్ ఆమెను మూడు నెలల క్రితం సెక్స్ బానిసగా మార్చాడు. అతను కమాండర్ కావడంతో పలువురితో బలవంతంగా ఆమెకు పెళ్లి చేశాడు. అమ్మేశాడు. వారు ఆమె పైన అఘాయిత్యాలకు పాల్పడ్డారు. దీంతో ఆమె ప్రతీకారం పెంచుకుంది.
ఆ కమాండర్ను సదరు మహిళ శనివారం నాడు కాల్చి చంపింది. ఐసిస్ ఉగ్రవాదుల దారుణాలు చెప్పలేకుండా ఉన్న విషయం తెలిసిందే. మహిళలను వారు సెక్స్ బానిసలుగా చేసుకుంటున్నారు. పలువురిని దారుణంగా చంపేస్తున్నారు.