ఐసిస్ షాక్: 2.45 ని.ల ఆడియో క్లిప్, బెంగాలీ టైటిల్

న్యూఢిల్లీ: ఇస్లామిక్ స్టేట్ (ఐసిస్) తీవ్రవాదుల మీడియా సెంటర్ 'ఆల్ హయత్' ద్వారా రెండు నిమిషాల 45 సెకండ్లు గల ఓ ఆడియో సందేశం వచ్చింది. ఇది బెంగాలీ టైటిల్‌తో ఉంది. దీంతో ఇంటెలిజెన్స్ అధికారులు అప్రమత్తమయ్యారు.

ఆ సందేశంలో... ఖలిఫా తిరిగి వచ్చారు అని టైటిల్‌తో విడుదల చేశారు. ఖలిఫా తిరిగి వచ్చారని, యువకులు ఐసిస్‌లో చేరాలని అందులో పిలుపునిచ్చారు.

వెంటనే స్పందించిన ఇంటెలిజెన్స్ బ్యూరో.. ఆ వీడియో సందేశం ఎక్కడి నుంచి వచ్చిందో ట్రేస్ చేసింది. అది బంగ్లాదేశ్ నుంచి వచ్చినట్లు గుర్తించారు. దీనిని బంగ్లాదేశ్‌లోని ఐసిస్‌కు చెందిన తీవ్రవాది అప్ లోడ్ చేశాడని అధికారులు భావిస్తున్నారు.

ఈ సందేశం రెండు నిమిషాల 45 సెకండ్ల పాటు ఉంది. బెంగాలీ భాషలో ఉంది. బెంగాళీ యువకులు ఐసిస్‌లో చేరాలని అందులో పిలుపునిచ్చినట్లుగా భావిస్తున్నారు. అయితే, బంగ్లాదేశ్ లేదా వెస్ట్ బెంగాల్.. యువకులలో ఎవరిని ఉద్దేశించి దానిని అప్ లోడ్ చేశారనేది స్పష్టంగా తెలియాల్సి ఉందని చెబుతున్నారు.

English summary

Al Hayat, the media platform of the ISIS had an audio message which has been giving Indian Intelligence Bureau (IB) officials sleepless nights.