బాంబు పేలుళ్లు: ఐఎస్ఐఎస్ తీవ్రవాదులు హతం

డెమాస్కస్: సిరియాలో 25 మంది ఇస్లామిక్ స్టేట్ తీవ్రవాదులు అంతం అయ్యారు. సిరియా రాజధాని డెమాస్కస్ లో బుధవారం జరిగిన బాంబు పేలుళ్లలో 25 మంది మరణించగా 20 మందికి పైగా తీవ్రగాయాలై ఆసుపత్రిలో చికిత్స పొందుతున్నారు.

సిరియా రాజధాని డెమాస్కస్ లో ఇస్లామిక్ స్టేట్ తీవ్రవాదులకు చెందిన ఆయుధగారం ఉంది. బుధవారం ఆయుధగారంలో ఒక్కసారిగా పేలుళ్లు జరిగాయి. పెద్ద ఎత్తున జరిగిన ఈ పేలుళ్లలో 25 మంది ఐఎస్ మిలిటెంట్ లు సంఘటనా స్థలంలో దుర్మరణం చెందారు.

మృతుల సంఖ్య ఇంకా పేరిగే అవకాశం ఉందని సిరియాలోని బ్రిటన్ కు చెందిన మానవహక్కుల పరిశీలకులు గురువారం విడుదల చేసిన ఒక నివేదికలో వెల్లడించారు. అయితే గాయాలైన క్షతగాత్రులు ఆసుపత్రులలో చికిత్స పొందుతున్నారని అన్నారు.

డెమాస్కస్ లోని పశ్చిమ భాగంలో డెయిర్ ఆల్ జోర్ ప్రావెన్స్ ప్రాంతం ఉంది. నిత్యం ఈ ప్రాంతం బాంబుల మోతతో దద్దరిల్లుతుంటుంది. అయితే ఆయుధగారంలో పేలుళ్లకు కచ్చితమైన కారణాలు తెలియడం లేదని మానవహక్కుల పరిశీలకులు అంటున్నారు.

English summary

At least 25 militants of Islamic State(IS) militant group were killed in powerful blasts at a weapon depot in eastern Syria killed on Wednesday, the Syrian Observatory for Human Rights reported.