తిరగబడిన ఉరి సీన్: కోమాలోకి వెళ్లిన హీరో
ఇటలీ : నాటకంలో వేదికపై ఉరి సీన్లో నటిస్తుండగా ఇటలీలో హీరోకు ప్రమాదవశాత్తు ఉరి బిగిసుకుంది. దీంతో అతను కోమాలోకి వెళ్లిపోయాడు. క్లైమాక్స్ అదిరిపోవాలనే ఉద్దేశంతో కావచ్చు, అతను మరణించే దృశ్యాన్ని మార్చేసుకున్నాడు.
స్టేజీ మీద ఆ సీన్లో ఆకట్టుకున్నాడు గానీ చివరకు ఆ హీరో కోమాలోకి వెళ్లిపోయాడు. ఇటలీలోని పీసా నగరంలో జరిగిన ఓ నాటక ప్రదర్శనలో ఈ విషాదం చోటుచేసుకుంది. 27 ఏళ్ల రాఫెల్ షూమాకర్ ఓ నాటక ప్రదర్శనలో కీలక పాత్ర పోషించాడు. ఆ ప్రదర్శన క్లైమాక్స్ లో సుసైడ్ సీన్ ఉంటుంది. అయితే ఆ సీన్లో హీరో ఉరి వేసుకుంటాడు.
ఉరి వేసుకున్న సమయంలో హీరో రాఫెల్ ఇబ్బంది పడ్డాడు. ఆ దృశ్యాన్ని తిలకిస్తున్న ఓ ప్రేక్షకుడు హీరో పరిస్థితిని గుర్తించాడు. హుటాహుటిన ఆ ప్రేక్షకుడు స్టేజ్ మీదకు వచ్చి హీరో మెడను చుట్టేసిన ఉరి తాడును తొలిగించాడు. కానీ అప్పటికే హీరో గొంతు ఉరి తాడుతో బిగుసుకుపోయింది. ఆక్సిజన్ అందకు ఇబ్బందిపడ్డాడు.
వెంటనే ఆ యాక్టర్ను హాస్పటల్కు తరలించారు. హీరో ప్రస్తుతం కోమాలో ఉన్నట్లు ఇటలీ అధికారులు తెలిపారు. తనకు తెలియకుండానే సుసైడ్ స్క్రిప్ట్ను మార్చినట్లు ఆర్ట్ డైరక్టర్ పోలీసులకు ఫిర్యాదు చేశాడు. వాస్తవానికి సుసైడ్ సీన్లో హీరో పిస్తోల్తో ఆత్మాహత్య చేసుకోవాల్సి ఉందని అన్నాడు.