జపాన్‌లో భారీ భూకంపం: 7.3 తీవ్రత నమోదు, సునామీ హెచ్చరికలు జారీ, జనం పరుగులు

టోక్యో: జపాన్ దేశంలో మరోసారి భారీ భకంపం సంభవించింది. ఉత్తర జపాన్‌లోని ఫుకుషిమా తీరంలో బుధవారం సాయంత్రం 7.3 తీవ్రతతో శక్తివంతమైన భూకంపం సంభవించింది. దీంతో సునామీ హెచ్చరికలు కూడా జారీ అయ్యాయి. భూకంపం కారణంగా ఇళ్లు, భవనాల్లోని సామాన్లు కిందపడిపోయాయి. దీంతో ప్రజలు బయటకు పరుగులు తీశారు.

సముద్రానికి 60 కిలోమీటర్ల (36 మైళ్లు) దిగువన భూకంపం సంభవించినట్లు జపాన్ వాతావరణ సంస్థ తెలిపింది. బుధవారం రాత్రి 8.06 గంటలకు జపాన్‌లోని టోక్యోకు ఈశాన్యంగా 297 కి.మీ దూరంలో 7.3 తీవ్రతతో భూకంపం సంభవించిందని నేషనల్ సెంటర్ ఫర్ సిస్మోలజీ తెలిపింది.

ఈ ప్రాంతం ఉత్తర జపాన్‌లో భాగం, ఇది 11 సంవత్సరాల క్రితం ఘోరమైన 9.0 భూకంపం, సునామీతో నాశనమైంది. ఇది అణు కర్మాగారాల కరిగిపోవడానికి కూడా కారణమైంది. ఈ ప్రాంతం మార్చి 2011లో విపత్తు సంభవించి 11వ వార్షికోత్సవం జరుపుకున్న కొద్ది రోజులకే బుధవారం నాటి భూకంపం వచ్చింది.

మియాగి, ఫుకుషిమా ప్రిఫెక్చర్లలో ఒక మీటర్ (3-అడుగుల) వరకు సముద్రపు ఉప్పెనకు ఏజెన్సీ సునామీ హెచ్చరికలను జారీ చేసింది. NHK జాతీయ టెలివిజన్ సునామీ ఇప్పటికే కొన్ని ప్రాంతాలకు చేరుకుంది.

Strong M7.3 earthquake rocking Fukushima, this is my desk in Tokyo now - you can hear the whole apartment building shaking. Scary. pic.twitter.com/UiiM7yzmkN

— John Daub (ONLY in JAPAN) (@ONLYinJAPANtv) March 16, 2022

భూకంపం ధాటికి టోక్యో సహా తూర్పు జపాన్‌లోని పెద్ద ప్రాంతాలు కంపించాయి, అక్కడ భవనాలు తీవ్రంగా కంపించాయి. ప్రాణనష్టం లేదా నష్టం గురించి తక్షణ నివేదికలు అందలేదు. భూకంప ప్రభావిత తీర ప్రాంత ప్రజలు సురక్షిత ప్రాంతాలకు తరలివెళ్లాలని అధికారులు సూచించారు.

English summary

Japan Earthquake: 7.3 magnitude quake hits north Japan, tsunami alert issued.