క‌రేబియ‌న్ దీవుల్లో కుప్ప‌కూలిన విమానం.. తొమ్మిది మంది మృతి

వెస్టిండీస్ దేశంలోని క‌రేబియ‌న్ దీవుల్లో ఘోర విమ‌న ప్ర‌మాదం జ‌రిగింది. ఈ ప్ర‌మాదంలో తొమ్మిది మంది మృతిచెందారు. ఈ విమానం డొమినిక‌న్ రిప‌బ్లిక్‌లోని లా ఇస‌బెల్లా అంత‌ర్జాతీయ విమానాశ్ర‌యం నుంచి బ‌య‌లుదేరిన కొన్ని నిమిషాల‌కు ఈ ప్ర‌మాదం చోటు చేసుకుంది. సాంకేతిక స‌మ‌స్య త‌లెత్త‌డంతో ఈ ప్ర‌మాదం సంభ‌వించింద‌ని అధికారులు తెలిపారు. జెట్ టేకాఫ్ అయిన 15 నిమిషాల‌కే ఈ ప్ర‌మాదం చోటు చేసుకుంది.

ఈ విమాన ప్ర‌మాదంతో ఇద్ద‌రు విమాన సిబ్బందితో పాటు ఏడుగురు ప్ర‌యాణికులు దుర్మ‌ర‌ణం పాల‌య్యారు. ఈ విమానం డొమినిక‌న్‌లోని లా ఇస‌బెల్లా అంత‌ర్జాతీయ విమానాశ్ర‌యం నుంచి ప్లోరిడా వెళ్తుంది. విమాన టేకాఫ్ అయిన కొన్ని నిమిషాల‌కే సాంకేతిక స‌మ‌స్య‌లు త‌లెత్త‌డంతో రాజ‌ధాని శాంటో డొమింగోలో ఉన్న లాస్ అమెరికాస్ విమానాశ్ర‌యంలో అత్య‌వ‌స‌రంగా ల్యాండ్ అయ్యే స‌మ‌యంలో ఈ ప్ర‌మాదం చోటు చేసుకుంది. ల్యాండ్ అవుతున్న స‌మ‌యంలో విమానం చ‌క్ర‌లు ర‌న్‌వే వైపు తాక‌గానే ఒక్క‌సారిగా విమానం పేలిపోయింది.

ఈ ప్ర‌మాదంలో మొత్తం తొమ్మిది మంది మ‌ర‌ణించార‌ని అధికారులు తెలిపారు. వారిలో ఆరుగురు విదేశీయులు , ఇద్ద‌రు సిబ్బంది, ఒక‌రు డొమినిక‌న్ కి చెందిన వారిగా పేర్కొన్నారు. అయితే ఆరుగురు విదేశీయులు మాత్రం ఏయే దేశాల‌కు చెందిన వారు అనే దానిపై అధికారులు స్ప‌ష్ట‌త ఇవ్వ‌లేద‌ని స్థానిక మీడియా వెల్లడించింది.

English summary

Plane crash in Caribbean islands.. Nine members Dead