అద్భుతమైన కథ: మలాలా మనసు దోచిన పాప్ స్టార్

హైదరాబాద్: మలాల యూసఫ్‌ జాయ్ పేరు ప్రపంచవ్యాప్తంగా తెలుసు. బాలికలు చదువుకోరాదనే తాలిబన్ల పోకడలకు వ్యతిరేకంగా పోరాడి అమెరికా దృష్టిని ఆకర్షించిన ఈ యువతి ఎప్పుడూ వార్తల్లో వ్యక్తిగా నిలుస్తోంది. తాజాగా ఓ పాప్‌ సింగ్‌ దృష్టిని ఆకర్షించింది. విద్యకోసం ఆమె చేస్తున్న ఉద్యమానికి తన వంతు సహాయం చేస్తానని అతడు ముందుకొచ్చాడు.

ఆ యువ ఉద్యమకారిణిని ఇటీవల కెనడియన్‌ పాప్‌ స్టార్‌ జస్టిన్‌ బీబర్‌ ప్రశంసించాడు. ఇప్పుడే మలాలతో ఫేస్‌ టైమ్‌లో చాట్‌ చేశాను. తనకొక అద్భుతమెన కథ ఉంది. ఇక తనను స్వయంగా కలసి మాట్లాడకుండా ఉండలేను. బాలికల విద్యకోసం ఏర్పాటుచేసిన తన మలాలనిధికి ఏవిధంగా మద్దతివ్వగలనో అడుగుతాను. లవ్‌ ద బేబీ'' అని అన్నాడు.

మలాలతో బీబర్‌ వీడియో చాట్‌ చేశాడు. ఆ సందర్భంగా పలు విషయాలను ఆమెను అడిగి తెలుసుకున్నాడు. త్వరలో వారిద్దరి వీడియో చాట్‌ ఫోటోలను కూడా బీబర్‌ పోస్ట్ చేయనున్నాడు. ఇలాగైనా ఆ బాలిక చేస్తున్న ఉద్యమానికి నైతిక మద్ధతు లభించినందుకు ఆమె ఉబ్బితబ్బివుతోంది.

బాలికల విద్యకోసం తన వంతు సహాయం అందిస్తానంటోంది. స్త్రీ విద్య వల్లనే ఏదైనా సాధ్యమని తాను బలంగా నమ్ముతున్నానంటోంది. ఏస్ షోబిజ్ ఈ విషయంపై వార్తాకథనం ఇచ్చింది.

English summary

Pop star Justin Bieber spoke to Pakistani teen activist Malala Yousafzai on FaceTime and soon posted a picture showing off their friendship. The Canadian heartthrob took to Instagram to share a photo of him and the 17-year-old education activist’s video chat, reported Ace Showbiz.