కారణమిదే: సోదరికి కిమ్ కీలక బాధ్యతలు?

ప్యాంగ్యాంగ్: ఉత్తర కొరియా అధ్యక్షుడు కిమ్‌ జంగ్‌ ఉన్‌ అధికారాన్ని తన కుటుంబానికి పరిమితం చేస్తున్నాడు. అధికారంలో కీలక బాధ్యతలను తన సోదరి కిమ్ జోంగ్‌కు అప్పగించనున్నారని సమాచారం. తద్వారా అధికారాన్ని మరింత బలపరుచుకునే విధంగా అడుగులు వేయబోతున్నాడు.

28 ఏళ్ల తన సోదరి కిమ్‌ జోంగ్‌కు కిమ్ కీలక బాధ్యతలు అప్పజెప్పబోతున్నాడని సమాచారం. తద్వారా కీలక నిర్ణయాలు తీసుకోవటంతోపాటు.. అధికారాన్ని కుటుంబ సభ్యుల చేతుల్లోనే ఉంచాలని భావిస్తున్నాడని స్పష్టమౌతోందని రాజకీయ విశ్లేషకులు అభిప్రాయపడుతున్నారు.

ప్యోంగ్‌ యాంగ్‌లో శనివారం నిర్వహించిన పార్టీ సర్వసభ్య సమావేశంలో అమెరికా బెదిరింపులతోపాటు జోంగ్‌కు బాధ్యతలు అప్పజెప్పే విషయంపై కూడా చర్చించినట్లు అధికారిక మీడియా సంస్థ కొరియన్‌ సెంట్రల్‌ న్యూస్‌ ఏజెన్సీ పేర్కొంది.

ప్రస్తుత పరిస్థితుల్లో కీలక పాలనా విభాగాన్ని విస్తరించాల్సిన అవసరం ఉందన్న అభిప్రాయాన్ని కిమ్‌ సమావేశంలో వ్యక్తం చేశారని సమాచారం.ఈ మేరకు పార్టీ కేంద్ర కమిటీ పొలిట్‌ బ్యూరోలో ఆరుగురు అధికారులతోపాటు జోంగ్‌కు కూడా స్థానం కల్పించబోతున్నట్లు కిమ్‌ సూచన ప్రాయంగా చెప్పాడని ఈ కథనం సారాంశం. మానవ హక్కుల ఉల్లంఘన కింద ఆమెపై కూడా అమెరికా ఆంక్షలు విధించింది.

కరడుగట్టిన నియంతగా పేరొందిన కిమ్‌ తన చెల్లెలికి కీలక బాధ్యతలు అప్పజెప్పటం సర్వత్రా చర్చనీయాంశంగా మారింది.కిమ్‌ జంగ్ ఉన్, కిమ్‌ యో జోంగ్‌లు ఒకే తల్లికి జన్మించారు. తన పక్కన ఉండే అధికారులతోసహా ఎవరినీ నమ్మని కిమ్‌.. జోంగ్‌ను మాత్రం బాగా నమ్ముతాడని చెబుతుంటారు. అన్నతోపాటు తరచూ అధికారిక కార్యక్రమాల్లో పాల్గొంటారామె.

English summary

The promotion indicates that the 28-year-old has replaced Kim Jong-un’s aunt, Kim Kyong Hee, who was a key decision maker when former leader Kim Jong-il was alive.