గ్రీన్‌ఫెల్ టవర్ అగ్నిప్రమాదం: 9వఅంతస్థు నుంచి పసిపాపను విసిరేసింది!

ఇంగ్లాండ్ రాజధాని లండన్‌లోని ఎత్తైన భవనాల్లో ఒకటిగా పేరొందిన గ్రీన్ ఫెల్ టవర్‌లో బుధవారం జరిగిన భారీ అగ్నిప్రమాదంలో 12 మంది మృతి చెందగా, 74మందికిపైగా తీవ్రగాయాలపాలయ్యారు.

లండన్: ఇంగ్లాండ్ రాజధాని లండన్‌లోని ఎత్తైన భవనాల్లో ఒకటిగా పేరొందిన గ్రీన్ ఫెల్ టవర్‌లో బుధవారం జరిగిన భారీ అగ్నిప్రమాదంలో 12 మంది మృతి చెందగా, 74మందికిపైగా తీవ్రగాయాలపాలయ్యారు. గంటలపాటు శ్రమించిన 50కిపైగా ఫైరింజన్లు మంటలను ఆర్పేశాయి. 500మంది సహాయక సిబ్బంది భవనంలోని పలువురిని కాపాడారు.

ఈ ప్రమాదం నుంచి తప్పించుకోవడానికి కొందరు భవనంపై నుంచి దూకి తీవ్రగాయాలయ్యారు. కాగా, నలువైపుల నుంచి కమ్ముకొస్తున్న మంటల నుంచి తన బిడ్డ ప్రాణాలు కాపాడేందుకు ఓ తల్లి కూడా సాహసమైన నిర్ణయం తీసుకుంది.

A woman saved her baby by throwing him through the window #GrenfellTowerFire @HuffPostUK pic.twitter.com/Sl7M44BUVc

— Paco Anselmi (@PacoHansel84) June 14, 2017

సదరు తల్లి తొమ్మిదో అంతస్థు నుంచి కేకలు వేస్తూ తన బిడ్డను కిందకు విసిరేశారు. కింద గుమిగూడిన జనం ఆమె కేకలు విన్నారు. సమయస్ఫూర్తితో ఓ వ్యక్తి ముందుకు పరుగత్తి ఆ పాపను ఒడిసి పట్టి కాపాడగలిగాడు.

దీంతో ఆ చిన్నారి మృత్యువును జయించింది. కానీ, ఆ చిన్నారి తల్లి మంటల్లో చిక్కుకుందా? లేక ప్రాణాలతో బయటపడిందా? అనే విషయం మాత్రం తెలియరాలేదు.

English summary

As fire crews attend a massive blaze at a block of flats in north Kensington, residents who made it safely out of the inferno have spoken of their terrifying experiences.