లక్కీ బఫెల్లో: ఐదు సింహాల మీదపడినా..(వీడియో)

జోహన్నెస్‌బర్గ్: ఆ దున్నపోతుకు భూమ్మీద ఇంకా నూకలున్నట్లున్నాయి. లేదంటే ఐదు సింహాలు మీదపడినా ఎలా తప్పించుకుంటుంది. ఐదు సింహాల బారి నుంచి తప్పించుకున్న ఆ దున్నపోతు 'లక్కీ బఫెల్లో'గా ఇప్పుడు సోషల్ మీడియాల్ హల్‌చల్ చేస్తోంది.

వివరాల్లోకి వెళితే.. ఒక్కసారిగా ఓ అడవి దున్నపోతుపై ఐదు సింహాలు విరుచుకుపడ్డాయి. అప్పటికే ఆ దున్నపోతు ప్రాణాల మీద ఆశ వదలిపెట్టుకున్నట్లుంది. అక్కడే కూలబడిపోయింది.

అయితే, అంతలోనే ఆ సింహాలు ఒకటినొకటి కొట్టుకోవడం ప్రారంభించాయి. ఐదు సింహాలు ఒకదాన్ని ఒకటి కొట్టుకుంటూ దున్నపోతును మర్చిపోయి ఎటో వెళ్లిపోయాయి. దీంతో బతుకు జీవుడా అంటూ దున్నపోతూ వాటికి దూరంగా పారిపోయింది. ఈ ఘటన దక్షిణాఫ్రికాలోని మాలామాల ప్రైవేట్ గేమ్ రిజర్వ్ చోటు చేసుకుంది.

English summary

Five lions let a buffalo get away because they are too busy fighting each other at Mala Mala Private Game Reserve in South Africa.