రష్యాలో భారీ భూకంపం! తీవ్రత 7.8, సునామీ భయం లేదన్న అమెరికా!

రష్యాలో భారీ భూకంపం సంభవించింది. రాత్రి 11.34 గంటల ప్రాంతంలో కంచట్కా ద్వీపకల్పంలోని కమాండర్ దీవుల్లో భూమి తీవ్ర స్థాయిలో కంపించింది. రిక్టర్ స్కేలుపై ఈ భూకంప తీవ్రత 7.8గా నమోదైంది. సునామీ రావచ్చని త

మాస్కో: రష్యాలో భారీ భూకంపం సంభవించింది. స్థానిక కాలమానం ప్రకారం రాత్రి 11.34 గంటల ప్రాంతంలో రష్యాలోని కంచట్కా ద్వీపకల్పంలోని బేరింగ్ ఐలాండ్ సముద్ర తీరంలో భూమి తీవ్ర స్థాయిలో కంపించింది.

రిక్టర్ స్కేలుపై ఈ భూకంప తీవ్రత 7.8గా నమోదైంది. బేరింగ్ దీవుల్లోని నికోల్ కోయ్ నగరానికి 233 కిలోమీటర్ల దూరంలో 483 కిలోమీటర్ల లోతున భూకంప కేంద్రం కేంద్రీకృతమై ఉంది.

ఈ భారీ భూకంపం కారణంగా జరిగిన నష్టంపై ఇంకా పూర్తి వివరాలు తెలియరాలేదు. మరోవైపు భూకంపం తీవ్రతను బట్టి సునామీ కూడా సంభవించే ప్రమాదం ఉన్నట్లు జియోఫిజికల్ సర్వే ఆఫ్ రష్యన్ అకాడమీ ఆఫ్ సైన్సెస్ (జీఎస్ ఆర్ఎఎస్) తొలుత హెచ్చరించింది.

అయితే ఆ తరువాత సునామీ వచ్చే అవకాశాలు లేవని, భయపడాల్సిన అవసరం లేదని యునైటెడ్ స్టేట్స్ పసిఫిక్ సునామీ సెంటర్, యూఎస్ జియోలాజికల్ సర్వే సంస్థలు సంయుక్తంగా తెలిపాయి.

బేరింగ్ దీవుల్లో గత రెండు రోజుల్లో రెండుసార్లు భూకంపం సంభవించింది. సోమవారం కూడా ఇక్కడ 6.0 తీవ్రతతో భూమి కంపించింది. ఈ భూకంప ప్రభావం న్యూజిలాండ్ పై ఏమీ ఉండకపోవచ్చని తెలుస్తోంది.

మరోవైపు దక్షిణ అమెరికాలోని పెరూలో కూడా సోమవారం భూకంపం సంభవించింది. రిక్టర్ స్కేలుపై దీని తీవ్రత 6.4గా నమోదైంది. పెరులోని పుకియో పట్టణానికి ఆగ్నేయంగా 104 కిలోమీటర్ల దూరంలో 44 కిలోమీటర్ల లోతున ఈ భూకంప కేంద్రం ఉన్నట్లు యూఎస్ జియోలాజికల్ సర్వే పేర్కొంది.

English summary

A powerful earthquake measuring a magnitude of 7.8 hit Kamchatka peninsula in Russia on Tuesday, triggering a tsunami alert in the region. As per the latest updates by US Geological Survey and US Pacific Tsunmai Center, the tsunami threat was lifted by the officials. The quake hit 125 miles away from the city of Nikolskoye on Bering island off the Kamchatka Peninsula at 11:34 am (Russia local time) on Tuesday. Attu, the westernmost and largest island in the Near Islands group of Alaska’s remote Aleutian Islands, is believed to be the epicenter of the earthquake.