ఐదేళ్ల మనవరాలికి తుపాకీ ఇచ్చి ఎడారిలో వదిలేశాడు

ఆరిజోన: ఐదేళ్ల మనవరాలికి లోడ్ చేసిన గన్ ఇచ్చి ఎడారిలో వదిలేశాడు ఓ దుర్మార్గపు తాతయ్య. అనంతరం మందు, బర్గర్ కోసం ఎటో వెళ్లిపోయాడు. ఎడారిలో వదిలేసిన మనవరాలి గురించి మాత్రం పట్టించుకోలేదు ఆ తాతయ్య.

కనీసం ఎడారిలో వదిలేసినట్లు కూడా ఎవరికీ చెప్పలేదు. తల్లిదండ్రులు ఆ పాప కోసం గాలింపు మొదలుపెట్టారు. చివరకు పోలీసులు ప్రశ్నించడంతో ఆ తాత విషయం చెప్పాడు. దీంతో గాలింపు చేపట్టిన పోలీసులు ఆ చిన్నారిని గుర్తించారు. అమెరికాలోని ఆరిజోనాలో ఈ ఘటన చోటుచేసుకుంది.

వివరాల్లోకి వెళితే.. ఐదేళ్ల తన మనవరాలితో బయటకు వెళ్లిన 53ఏళ్ల పాల్ రాటర్ అనే వ్యక్తి.. ఆ పాపను ఎడారిలో వదిలివెళ్లాడు. తనతో నడవలేకపోతుందన్న కోపంతో ఆమెను అక్కడే విడిచిపెట్టాడు.

45 క్యాలిబర్ గన్‌ను ఫుల్ లోడ్ చేసి పాప్‌కు ఇచ్చాడు. విస్తృతంగా గాలింపు చేపట్టిన పోలీసులు పాప ఆచూకీని కనుగొన్నారు. ఎడారిలో విడిచిపెట్టి చిన్నారిని హింసించిన పాల్ రాటర్‌పై కేసు నమోదు చేసుకున్న పోలీసులు, అరెస్టు చేశారు.

English summary

Paul Rater left is granddaughter in the desert with a loaded gun. He described what happened in his initial court appearance.