ఫేస్బుక్లో సెల్ఫీ పోస్ట్: ఐఫోన్ దొంగను పట్టించింది
మెల్బోర్న్: ఇటీవల కాలంలో స్మార్ట్ ఫోన్ పోతే తిరిగి దొరకడం చాలా ఈజీగా మారింది. ఆస్టేలియాలో ఒక వ్యక్తి తాను దొంగిలించిన ఫోన్తో సెల్ఫీలు తీయడమే కాకుండా ఫోన్ యజమాని ఫేస్బుక్ పేజీలో పోస్టు చేయడంతో పోలీసులకు దొరికాడు.
వివరాల్లోకి వెళితే ఆస్టేలియాలోని బైరన్ బేలో వాలెంటైన్స్ డే రోజున బీచ్కు వచ్చిన నికోలా షెల్టాన్ అనే మహిళ తన స్నేహితులతో ఎంజాయ్ చేసేందుకు వచ్చారు. ఈ సమయంలో ఆమె బ్యాగుని పొగొట్టుకుంది. అందులో ఐఫోన్తో పాటు, క్రెడిట్, డెబిట్ కార్డులు ఉన్నాయి.
ఆ తర్వాత కొద్ది రోజులకు ఆమె ఫేస్బుక్ పేజీలో ఒక వ్యక్తి సెల్ఫీ ఫోటోను పోస్ట్ చేశాడు. దీనిని గమనించిన నికోలా షెల్టాన్ తన ఫోన్ను ఎవరో దొంగిలించినట్టు తెలుసుకుంది. తన ఫోన్ దొంగతనానికి గురైన విషయాన్ని ఫేస్బుక్లో పోస్టు చేయడంతో దాదాపు 20 వేల షేర్లు వచ్చాయి.
అంతేకాదు తన ఐఫోన్ త్వరలో దొరకాలంటూ స్నేహితులు, సన్నిహితులతో పాటు దేశ వ్యాప్తంగా అపరిచితులు కూడా సందేశాలను ఫేస్బుక్లో పోస్ట్ చేశారు. దీంతో ఐఫోన్ని వ్యక్తి తాను పొరబాటున ఫోన్ను తీసుకున్నట్టు క్షమాపణలు చెప్పి వెంటనే ఫోన్ను పోలీసులకు స్వాధీనం చేశాడు. ఆ ఫోన్ని పోలీసులు షెల్టాన్కు ఫోన్ను అప్పగించారు.