కాలిఫోర్నియాలో మళ్లీ కాల్పుల కలకలం
కాలిఫోర్నియా: అమెరికాలోని కాలిఫోర్నియా నగరంలో మళ్లీ కాల్పుల కలకలం రేగింది. స్థానిక కాలమానం ప్రకారం మంగళవారం శాన్ డియోగోలోని నావల్ ఆసుపత్రిలో ఓ దుండగుడు కాల్పులు జరిపాడని ప్రత్యక్ష సాక్షులు పోలీసులకు సమాచారం ఇచ్చారు.
ఇదే విషయాన్ని స్థానికులు ఫేస్ బుక్ లో పోస్టు చెయ్యడంతో అధికారులు అప్రమత్తం అయ్యారు. ఆసుపత్రిలో ఓ షూటర్ తిరుగుతున్నాడని అధికారులు దృవీకరించారు. షూటర్ రెచ్చిపోయి కాల్పులు జరపడంతో స్థానికులు హడలిపోయారు.
ముందు జాగ్రత్తగా నావెల్ ఆసుపత్రిని మూసివేశామని అధికారులు తెలిపారు. ఆసుపత్రి సిబ్బందిపై గుర్తు తెలియని దుండగుడు కాల్పులు జరిపి అనేక మందిని గాయపరిచాడని అధికారులు చెప్పారు. అయితే ఈ కాల్పుల్లో ఎవరైనా మరణించారా అనే విషయం తెలియడం లేదని అధికారులు అన్నారు.
ఆసుపత్రి భవనం చుట్టుపక్కల బలగాలు ఉన్నాయని, ఆ షూటర్ ను పట్టుకుంటామని అధికారులు అంటున్నారు. ఆసుపత్రి సిబ్బంది కళ్లు కప్పి దుండగుడు లోపలికి వెళ్లి ఉంటాడని, అతను ఉగ్రవాదా, కాదా అనే విషయం కచ్చితంగా తెలియడం లేదని అధికారులు తెలిపారు.
Click it and Unblock the Notifications
Sign in with Google