ఐసిస్ చెరలో జపనీయులు, విడుదలకు భారీగా నగదు డిమాండ్ (వీడియో)
న్యూఢిల్లీ: సిరియాకు చెందిన ఇస్లామిక్ ఉగ్రవాదసంస్ధ ఐఎస్ఐఎస్ మరో కిరాతకానికి ఒడిగట్టింది. బందీలుగా పట్టుకున్న జపాన్ జాతీయులను చంపేస్తామంటూ ఓ వీడియో ఇంటర్నెట్లో పెట్టింది. వారిని విడుదల చేయాలంటే మూడు రోజుల్లో 200 మిలియన్ డాలర్లు (సుమారు రూ. 1236 కోట్లు) చెల్లించాలని ఆ వీడియోలో డిమాండ్ చేసింది.
వీడియోలో కనిపిస్తున్న బందీలను కెంజీ గోటో జోగో, హరునా యుకావాలుగా అనుమానిస్తున్నారు. ఈ వీడియోపై ఇప్పటి వరకు జపాన్ అధికార వర్గాలు స్పందించ లేదు. వీడియోలో బ్రిటన్కు చెందిన జాతీయుడిగా భావిస్తున్న మిలిటెంట్ మాట్లాడాడని భావిస్తున్నారు.
ఐఎస్ఐఎస్ మిలిటెంట్లపై పాశ్చాత్య దేశాల సైనిక దాడులను జపాన్ సమర్ధిస్తుండటంతో ఆ దేశానికి చెందిన పౌరులను లక్ష్యంగా చేసుకున్నట్లు వీడియోలో పేర్కొన్నాడు.
Click it and Unblock the Notifications
Sign in with Google