న్యూజిలాండ్: కెర్మడెక్ ఐస్‌లాండ్స్‌లో 7.1 తీవ్రతతో భూకంపం: సునామీ హెచ్చరికలు

న్యూజిలాండ్ సమీపంలో భారీ భూకంపం సంభవించింది. పసిఫిక్ మహా సముద్రంలో భూ ప్రకంపనలు చోటు చేసుకున్నట్లు యూఎస్‌జీఎస్ తెలిపింది.

వెల్లింగ్టన్: న్యూజిలాండ్ సమీపంలో భారీ భూకంపం సంభవించింది. పసిఫిక్ మహా సముద్రంలో భూ ప్రకంపనలు చోటు చేసుకున్నట్లు యూఎస్‌జీఎస్ తెలిపింది. న్యూజిలాండ్ సమీపంలో కెర్మెడిక్ ఐలాండ్స్‌లో భూకంపం వచ్చినట్లు తెలిపింది. రిక్టర్ స్కేల్‌పై 7.1గా నమోదైంది.

సముద్రంలో చిన్నపాటి అలలతో సునామీ కూడా ఏర్పడిందని అధికారులు తెలిపారు. మరిన్ని ప్రాంతాలకు కూడా సునామీ హెచ్చరికలు జారీ చేశారు. న్యూజిలాండ్ దేశంలోని ఆక్లాండ్ సహా పరిసర ప్రాంతాల ప్రజలను అప్రమత్తం చేశారు.

స్థానిక కాలమానం ప్రకారం గురువారం మధ్యాహ్నం 1.56 నిమిషాలకు భూకంపం వచ్చింది. రౌల్ ఔలాండ్స్ కు 195 కిలోమీటర్లు.. ఆక్లాండ్ ఈశాన్య ప్రాంతానికి 700 మైళ్ల దూరంలో భూకంప కేంద్రం ఉన్నట్లు వెల్లడించారు.

There is no tsunami threat to New Zealand following the M7.0 earthquake in the Southern Kermadec Islands.
Remember, if an earthquake is long or strong, get gone.
For more info about tsunami preparedness go to https://t.co/Gn7YO8831i

— National Emergency Management Agency (@NZcivildefence) March 16, 2023

22 కిలోమీటర్ల లోతులో భూకంప కేంద్రం ఉన్నట్లు తెలిపారు. దీంతో కెర్మెడిక్ ఐలాండ్స్, ఫిజీ, న్యూజిలాండ్, టోంగా ప్రాంతాలకు కూడా సునామీ హెచ్చరికలు జారీ చేశారు. అయితే, ఆ తర్వాత సునామీ స్థాయి తీవ్రంగా ఉండదని, ఆందోళన చెందాల్సిన అవసరం లేదని వెల్లడించారు.

English summary

New Zealand: Magnitude 7.1 quake strikes Kermadec Islands, tsunami alert.