వెడ్డింగ్ వీడియో షూట్: ఆ కొత్త జంటకు తప్పిన పెను ప్రమాదం(వీడియో)

వాషింగ్టన్: ఆ ప్రేమ జంట.. కుటుంబసభ్యులు, బంధుమిత్రుల మధ్య ఆనందోత్సాహాలతో ఒక్కటయ్యేందుకు సిద్ధమయ్యారు. ఈ క్రమంలో వీడియో షూట్, ఫొటో షూట్ కార్యక్రమాల్లో వారిద్దరు పాల్గొన్నారు. ఈ సమయంలో వారికి పెను ప్రమాదం తప్పడంతో ఆ జంటతోపాటు వేడుకకు వచ్చిన అతిథులంతా ఊపిరిపీల్చుకున్నారు.

ఆ వివరాల్లోకి వెలితే.. చెయన్నె, లుకాస్ అనే జంట వెడ్డింగ్ వీడియో షూట్ చేసుకుంటోంది. ఈ క్రమంలో ఓ చెట్టు కింద ఉన్న బల్లపై కూర్చున్నారు. వీడియో చిత్రీకరిస్తున్న సమయంలో వారికి ఏదో శబ్ధం వినిపించింది. వెంటనే పైకి చూసి అక్కడ్నుంచి పరుగెత్తారు.

క్షణంపాటులోనే వారున్న బల్లపై భారీ చెట్టు కొమ్మ విరిగిపడింది. ఆ జంటకు పెను ప్రమాదం తప్పడంతో ఆ కార్యక్రమం సంతోషాల మధ్య ముగిసింది. కాగా, చెయెన్నె, లుకాస్ జంట వివాహం జూన్ 30న జరిగింది. దానికి సంబంధించిన వెడ్డింగ్ వీడియో టీజర్‌ను జులై 3న ఫేస్‌బుక్‌లో పోస్టు చేయడంతో అది వైరల్‌గా మారింది.

'వారి బంధం చెట్టుకంటే బలంగా ఉంటుంది' అని ఓ నెటిజన్ ఈ వీడియోను ఫేస్ బుక్‌లో పోస్టు చేశారు. , 'ఓంఎంజీ! వారు క్షేమంగా ఉన్నారు. అందమైన పెళ్లి వీడియో' అని మరికొందరు నెటిజన్లు స్పందించారు.

English summary

Cheyenne and Lucas Kopeshka were filming a segment for their wedding video in Fredonia, New York, when the most romantic day of their lives was almost ruined.