అమెరికాలో కూతురిని కాల్చి చంపిన తెలుగు మహిళ

By Pratap

Updated: Thursday, January 30, 2014, 13:13 [IST]

ఫ్లోరిడా: అమెరికాలోని ఫ్లోరిడాలో గల ఒర్లాండోలో దారుణం జరిగింది. గుంటూరుకు చెందిన చేతన(17) అనే యువతిని తల్లి సుజాత కాల్చి చంపింది. మానసిక ఒత్తిడితో కూతురిని ఆమె కూతురిని కాల్చి చంపినట్లు తెలుస్తోంది. కూతురిని చంపిన సుజాత ఆ తర్వాత తాను కూడా ఆత్మహత్యాయత్నానికి పాల్పడింది.

హత్య కోసం రివాల్వర్‌ను కొన్న సుజాత, ఈ విషయాన్ని ముందుగానే సోదరుడికి మెయిల్ పెట్టినట్లు తెలుస్తోంది. అయితే సుజాత సోదరుడు ఇంటికి వచ్చేలోగా ఘోరం జరిగిపోయింది. తీవ్రగాయాలతో ఉన్న సుజాతను ఆస్పత్రికి తరలించారు.

సుజాత తన కూతురిని చంపి, తాను ఆత్మహత్యాయత్నానికి పాల్పడడానికి కుటుంబ కలహాలే కారణమని అంటున్నారు. సంఘటన జరిగినప్పుడు సుజాత భర్త రావు గూడూరు అక్కడ లేరు. ఘటన పథకం ప్రకారమే జరిగినట్లు భావిస్తున్నారు.

సుజాత ఈ నెల 2వ తేదీన గన్ కొన్నట్లు, సంఘటన ఆకస్మికంగా జరిగింది కాదని, పథకం ప్రకారమే జరిగిందని పోలీసులు అంటున్నారు. సుజాత కోలుకున్న తర్వాత ఆమెను విచారిస్తామని వారు చెప్పారు.