వైట్హౌజ్లో ఒబామా ప్రసంగాన్ని అడ్డుకున్న హిజ్రా
న్యూయార్క్: అమెరికా అధ్యక్షుడు బరాక్ ఒబామా అధికారిక భవనం వైట్హౌజ్లో ఓ కార్యక్రమంలో ప్రసంగిస్తుండగా.. హాజరైన ఓ ట్రాన్స్జెండర్ మహిళ ఒబామా ప్రసంగాన్ని అడ్డుకుని గట్టిగా అరుస్తూ నినాదాలు చేశారు. వైట్హౌస్లో ఎల్జీబీటీకు సంబంధించి సమావేశం జరుగుతుండగా ఒబమా ప్రసంగాన్ని ట్రాన్స్జండర్ అడ్డుకున్నారు.
ట్రాన్స్జెండర్లకు ప్రభుత్వం కల్పిస్తున్న సదుపాయాల గురించి గట్టిగా ప్రశ్నించారు. ఒబామా వారించినప్పటికీ ఆమె అలాగే ఆయన ప్రసంగాన్ని పలుమార్లు అడ్డుకోవడంతో ఒబామా ఆగ్రహం వ్యక్తంచేశారు.
‘నీవు మా అధికారిక భవనంలో ఉన్నావు. ఇలా ప్రవర్తించడం మర్యాదపూర్వకం కాదు' అని ఒబామా హెచ్చరించారు.
అయినా ఆమె అలానే ప్రవర్తిస్తుండడంతో భదత్ర సిబ్బందితో ఆమెను బయటకు పంపాల్సిందిగా ఒబామా ఆదేశించారు. దీంతో ఆ ట్రాన్స్జెండర్ను బయటికి పంపించేశారు. ఆ తర్వాత ఒబామా తన ప్రసంగాన్ని కొనసాగించారు.