కాక్‌పిట్‌లో నిద్రపోయిన పైలట్, వీడియో తీసిన కోపైలట్: ఇద్దరూ ఔట్

బీజింగ్: చైనాలో బోయింగ్ 747 విమానం ఎగురుతున్న సమయంలో పైలట్ కాక్‌పిట్‌లో నిద్రపోయాడు. అది చూసిన కో పైలట్ మౌనంగా ఉండిపోయాడు. ఇందుకు సంబంధించిన వీడియో నెట్లో వైరల్‌గా మారింది. దీంతో వారిద్దరిని తొలగించారు. ఈ సంఘటన చైనా ఎయిర్ లైన్స్‌లో జరిగింది.

ఇటీవల మనం పలు విమాన ప్రమాదాలు చోటు చేసుకుంటోన్న విషయం చూస్తూనే ఉన్నాం. వాతావరణం అనుకూలించకపోవడమో, లేక సాంకేతిక లోపమో విమాన దుర్ఘటనలకు కారణమవుతున్నాయి. కానీ ఇప్పుడు మానవ తప్పిదం జరిగింది. కానీ ఎలాంటి ప్రమాదం జరగలేదు.

విమానం ఎగరగానే చైనా ఎయిర్ లైన్స్‌లో సీనియర్ పైలట్ నిద్రపోయాడు. పక్కనున్న కో పైలట్ ఓ వైపు విమానాన్ని కంట్రోల్ చేస్తూ, మరోవైపు పైల్ నిద్రపోవడాన్ని వీడియో తీశాడు. సదరు సీనియర్ పైలెట్‌కు 20 ఏళ్ల ఎక్స్‌పీరియెన్స్ ఉంది.

అతను నిద్రపోవడానికి సంబంధించిన వీడియో ఇంటర్నెట్లో వైరల్ అయింది. దీంతో ఇది వెలుగు చూసింది. దాంతో చైనా ఎయిర్ లైన్స్ క్రమశిక్షణ చర్యలకు ఉపక్రమించింది. నిద్రపోయిన పైలెట్ పైన తొలుత వేటు వేశారు. ఆ తర్వాత ఏమాత్రం కో పైలెట్‌ను క్రమశిక్షణ చర్యల కింద విధుల నుంచి తొలగించారు. పైలట్ నిద్రపోతుంటే లేపాల్సింది పోయి వీడియో తీయడాన్ని తప్పుబట్టారు.

English summary

A senior pilot of the China Airlines, the national carrier of Taiwan, slept aboard an airborne plane and it was all recorded on a video.