కారుపైకి దూసుకెళ్లిన విమానం(వీడియో)
కాలిఫోర్నియా: అమెరికాలోని కాలిఫోర్నియాలో విమానం ప్రమాదం చోటు చేసుకుంది. ఓ చిన్న విమానం రోడ్డుపై నిలిపి ఉన్న కారుపైకి దూసుకెళ్లింది. లాంకేయిర్-4 తేలికపాటి విమానం ప్రమాదవశాత్తు రోడ్డుపై ల్యాండవుతూ జారిపోయింది.
ఈ ఘటనలో ఓ మహిళ మృతి చెందగా పైలట్తో పాటు మరో నలుగురికి తీవ్రగాయాలయ్యాయి. కారులోని ప్రయాణికులకు కూడా తీవ్ర గాయాలయ్యాయి.
విమానంలో సాంకేతిక లోపం తలెత్తడంతో ఈ ప్రమాదం జరిగిందని ప్రత్యక్ష సాక్షులు తెలిపారు. గాయపడిన వారిని స్థానిక ఆస్పత్రికి చికిత్స నిమిత్తం తరలించినట్లు అధికారులు పేర్కొన్నారు.
ఐదేళ్లుగా ఉపయోగిస్తున్న ఈ విమానానికి ఇప్పటి వరకు ఎలాంటి సాంకేతిక సమస్యా తలెత్తలేదని.. అయితే ఈప్రమాదం చోటు చేసుకోవడం దురదృష్టకరమని చెప్పారు. విమాన పైలట్ చాలా అనుభవజ్ఞడైనప్పటికీ ఈ ప్రమాదాన్ని తప్పించలేకపోయాడని తెలిపారు.
Click it and Unblock the Notifications
Sign in with Google