షాక్: రద్దీగా ట్రాఫిక్‌లో బోర్డుపై పోర్న్ చిత్రం ప్లే చేశారు

Published: Monday, October 3, 2016, 10:17 [IST]

జకార్తా: అసలే అది రద్దీగా ఉండే రహదారి. అదే సమయంలో ప్రకటనలు ప్రసారమయ్యే బిల్ బోర్డుపై ఏకంగా పోర్న్ చిత్రాన్ని ప్లే చేశారు. దీంతో వాహనదారులు ఒక్కసారిగా షాక్‌కి గురయ్యారు.

ఇండోనేషియా రాజధాని జకార్తాలో చోటు చేసుకున్న ఈ ఘటన ఇప్పుడు సంచలనంగా మారింది. అశ్లీల వీడియో ప్రత్యక్షమవడంతో అక్కడి పోలీసులు వెంటనే అప్రమత్తమై పరిస్థితిని చక్కదిద్గారు.

వివరాల్లోకి వెళితే.. ఇండోనేషియా రాజధాని జకార్తాలోని రద్దీ వీధి అది. వాహనాలు నెమ్మదిగా కదులుతున్నాయి. ఇంతలో అక్కడున్న ప్రకటన తెరపై ఓ అశ్లీల వీడియో(పోర్న్ వీడియో) ప్రత్యక్షమైంది. వెంటనే అక్కడున్న పోలీసులు పరుగు పరుగున వెళ్లి ఆ బిల్‌బోర్డ్‌కు విద్యుత్‌ సరఫరా నిలిపివేశారు.

ఈ ఘటన దక్షిణ జకర్తా మేయర్‌ కార్యాలయం సమీపంలోనే చోటుచేసుకోవడం గమనార్హం. అయితే ఇది అనుకోకుండా జరిగిందో, కావాలనే ఎవరైనా చేశారో తెలియలేదు. ఈ ఘటనకు సంబంధించి పోలీసులు ఒకరిని అరెస్టు చేసినట్లు స్థానిక మీడియా కథనాలు వెల్లడించాయి. ఈ ఘటనపై విచారణ జరుపుతున్నట్లు ఉన్నతాధికారులు తెలిపారు.

Published On October 3, 2016