36మీ.: చైనాలో మావోకు భారీ విగ్రహం (ఫోటోలు)

By Nageswara Rao

Published: Wednesday, January 6, 2016, 12:12 [IST]

న్యూఢిల్లీ: చైనా కమ్యూనిస్టు పార్టీ వ్యవస్థాపకుడు మావో జెడాంగ్‌కు ఆయన అభిమానులు చైనాలో భారీ విగ్రహాన్ని ఏర్పాటు చేశారు. చైనాలోని ఓ మారుమూల కుగ్రామంలో ఈ విగ్రహాన్ని ఏర్పాటు చేశారు. ఈ విగ్రహం ఎత్తు 36 మీటర్లు. ఉక్కు, కాంక్రీటుతో రూపొందించిన ఈ విగ్రహానికి బంగారు రంగు వేశారు.

ఈ విగ్రహం నిర్మించడానికి సుమారు రూ. 3 కోట్లకు పైగానే ఖర్చు అయింది. ఈ విగ్రహాన్ని చైనాలోని హెనన్ ప్రావిన్స్‌లోని కైఫెంగ్ సమీపంలో ఏర్పాటు చేశారు. ఈ బంగారు విగ్రహాన్ని ఆసక్తిగా తిలకించేందుకు ప్రజలు సైతం ఆసక్తిని కనబరుస్తున్నారు.

నిరంతరం ప్రజల శ్రేయస్సు కోసం పాటుపడిన మావో జెడాంగ్‌ విగ్రహాన్ని ఏర్పాటు చేసేందుకు స్థానిక రైతులు, వ్యాపారులు, మావో అభిమానులు ఇందుకోసం విరాళాలు సమర్పించగా... పేద కళాకారులు ఈ విగ్రహాన్ని రూపొందించారు. దేశం నలుమూలల నుంచి పర్యాటకులు ఈ విగ్రహాన్ని సందర్శించేందుకు వస్తున్నారు.

1893, డిసెంబర్ 26న జన్మించిన మావో తన 82వ ఏట సెప్టెంబర్ 9, 1976లో మరణించారు. 40ఏళ్ల తర్వాత మావో జెడాంగ్‌కు భారీ విగ్రహం ఏర్పాటు చేయడం విశేషం. కాగా ఇటీవలే మావో జెడాంగ్ రాసిన ఓ లేఖ వేలంలో రికార్డు ధరకు అమ్ముడైన సంగతి తెలిసిందే.

చైనాలో మావోకు భారీ విగ్రహం

చైనా కమ్యూనిస్టు పార్టీ వ్యవస్థాపకుడు మావో జెడాంగ్‌కు ఆయన అభిమానులు చైనాలో భారీ విగ్రహాన్ని ఏర్పాటు చేశారు. చైనాలోని ఓ మారుమూల కుగ్రామంలో ఈ విగ్రహాన్ని ఏర్పాటు చేశారు. ఈ విగ్రహం ఎత్తు 36 మీటర్లు. ఉక్కు, కాంక్రీటుతో రూపొందించిన ఈ విగ్రహానికి బంగారు రంగు వేశారు.