ఎన్నికలు మేం చూడొద్దా?: అమెరికాపై రష్యా ఆగ్రహం
వాషింగ్టన్: అమెరికా పైన రష్యా ఆగ్రహం వ్యక్తం చేసింది. తమ దేశానికి చెందిన దౌత్య ప్రతినిధులను అమెరికాలో జరుగుతున్న అధ్యక్ష ఎన్నికలను పరిశీలించకుండా అడ్డుకోవడంపై తీవ్ర ఆగ్రహం వ్యక్తం చేసింది. ఇది అంగీకారయోగ్యం కాదని చెప్పింది.
మాస్కోలో ఉన్న అమెరికా రాయబారులు మాత్రం ఈ ఆరోపణలను కొట్టిపారేశారు. తాము రష్యా ప్రతినిధిని అడ్డుకోలేదని చెప్పారు.
తమ దేశ దౌత్య ప్రతినిధులు నేరుగా పోలింగ్ కేంద్రాల వద్దకు వెళ్లవద్దని అమెరికా అధికారులు ఇప్పటికే అదేశించారని, కొన్ని దౌత్య దేశాల్లో దౌత్యవేత్తలకు చేసే బెదిరింపు చర్యల మాదిరిగానే ఉన్నాయని రష్యా విదేశాంగ శాఖ అధికార ప్రతినిధి పేర్కొన్నారు.
హ్యూస్టన్లో అయితే ఏకంగా హాలీవుడ్ యాక్షన్ సినిమా పద్ధతిలో కట్టుదిట్టంగా ప్రత్యేక ఆపరేషన్లు నిర్వహిస్తున్నారని, తమ దేశ జనరల్ కాన్సులేట్కు చెందిన అధికారి కారును నిలిపివేసి అడ్డుకున్నారని రష్యా ఆరోపించింది.
తమ జనరల్ కాన్సులేట్ కారును అడ్డుకున్నారని, అమెరికా అధ్యక్ష ఎన్నికల వైపు చూడవద్దని, ఆ ఆలోచన చేయవద్దని అభిప్రాయపడ్డారని చెప్పారు. వారి తీరు ఎలా ఉందంటే.. మా ఎన్నికల గురించి మీరు ఎందుకు ఆలోచిస్తున్నారని అడిగినట్లుగా ఉందన్నారు.
Click it and Unblock the Notifications
Sign in with Google