బెడ్రూంలో వెబ్సైట్ డిజైన్, రూ.42 కోట్ల ఆఫర్ తిరస్కరించిన బాలుడు
ఇంగ్లాండులోని యార్కషైర్ డ్యూస్బర్రీకి చెందిన పదహారేళ్ల మహమ్మద్ అలీ రూ.42 కోట్ల ఆఫర్ను తిరస్కరించాడు.
యార్కషైర్: ఇంగ్లాండులోని యార్కషైర్ డ్యూస్బర్రీకి చెందిన పదహారేళ్ల మహమ్మద్ అలీ రూ.42 కోట్ల ఆఫర్ను తిరస్కరించాడు. అతను స్కూల్లో చదువుతున్నాడు. ఇంట్లో తన గదిలో కంప్యూటర్తో గడుపుతుంటాడు.
అతను మనీ సేవింగ్ మిషన్ వెబ్సైట్ను రూపొందించాడు. ఆ వెబ్సైట్కు అమెరికాకు చెందిన ఇన్వెస్టర్లు రూ.42 కోట్లు ఇచ్చేందుకు ముందుకు వచ్చారు. కానీ అంత పెద్ద ఆఫర్ను అతను తిరస్కరించాడు.
లండన్లో పెట్టుబడిదారులను కలిశామని, వెబ్ సైట్కు అవసరమైన టెక్నాలజీని తయారు చేసుకున్నానని చెబితే వారు నమ్మలేదని, అదే సమయంలో ఈ వెబ్ సైట్కు ఇప్పుడే ఇంత విలువ ఉంటే అందుబాటులోకి వచ్చాక మరింత విలువ ఉంటుందన్నాడు. మరింత ఎక్కువ డబ్బులు వస్తాయనే ఉద్దేశ్యంతో అతను అమ్మలేదు.
Click it and Unblock the Notifications
Sign in with Google