Sex in space: అంతరిక్షంలో సెక్స్ సాధ్యమేనా..? శాస్త్రవేత్తల వర్షన్ ఏంటీ..?

శృంగారం ప్ర‌తి జీవికి ఇది ప్ర‌కృతి ఇచ్చిన వ‌రం. భూ మండలంలో అయితే ఓకే. నాలుగు గోడల మధ్య గుట్టుగా సాగిపోతుంది. మరీ అంత‌రిక్షంలో శృంగారం సాధ్యమేనా అనే ప్రశ్న తలెత్తుతుంది. వ్యోమగాములు విజయవంతంగా అంతరిక్షంలో అడుగుపెట్టడం, క్షేమంగా భూమికి తిరిగిరావడంతో సాధారణ ప్రజలకు అక్కడి పంపే ప్రయత్నాలు జరుగుతున్నాయి. కానీ సెక్స్ గురించి ఎక్కడ చర్చ రాలేదు. ఇంతకీ సెక్స్ చేయొచ్చా.. శాస్త్రవేత్తలు ఏమంటున్నారో తెలుసుకుందాం.. పదండి.

స్పేస్‌లో సెక్స్..

ప్రస్తుతం స్పేస్ టూరిజం పేరుతో కొందరు పర్యాటకులను వచ్చే ఏడాది అంతరిక్షంలోకి పంపడానికి స్పేస్‌ ఎక్స్ అనే సంస్థ సిద్ధమవుతోంది. అందులో హనీమూన్ జంట‌లు కూడా వెళ్లడం కామ‌న్. మరి వారు అక్కడ సెక్స్‌లో పాల్గొనాలంటే కుదురుతుందా అనే ప్రశ్న తలెత్తింది. సెక్స్‌ చేయాలంటే మొదట కావాల్సింది...ఏకాంతం. ఒక వేళ స్పేస్‌ ఎక్స్ పర్యాటకుల్ని చంద్రుడి మీదికి పంపితే.. వారితో పాటు ఒక నిపుణుడైన వ్యోమగామి కూడా వెళ్తాడు. అలాంటప్పుడు వారిద్దరి మధ్య సెక్స్ ఎలా కుదరడం కష్టమని సైంటిస్టులు అంటున్నారు.

అడ్డంకులు ఇవే..

అంతరిక్షంలో మైక్రో‌గ్రావిటీ శృంగారానికి పెద్ద అడ్డంకిగా నిలుస్తుందని అండర్సన్ యూనివర్సిటీ ఫిజికల్ సైన్సెస్, ఇంజినీరింగ్ డిపార్ట్‌మెంట్ హెడ్ జాన్ మిల్లిస్ చెప్పారు. స్పెస్‌లో జీరో బ‌రువుతో తేలియాడుతుంటారు కాబ‌ట్టి ఇద్ద‌రు ద‌గ్గ‌ర కావ‌డం అన్న‌ది సాధ్యం కాదు. అంతరిక్షంలో ఉన్నప్పుడు మన శరీరంలో రక్త ప్రసరణ అనేది మెదడుకు చాలా సులభంగా జరుగుతుందట. కాబట్టి గుండె పనితీరు కాస్త మందగిస్తుంది. కాబట్టి ఇలాంటి టైంలో మనం ఎక్కువ ఉత్సాహానికి గురికావడం, సెక్స్‌లో పాల్గొనడం వల్ల ప్రాణహాని ఉంటుందని నిపుణులు చెబుతున్నారు.

ఇప్పుడు నో..

సో.. అంతరిక్షంలో సెక్స్ సాధ్యం కాదు. ఇప్పుడైతే అలా వీలు కావడం లేదు. భవిష్యత్‌లో అవుతుందా అనే ప్రశ్నకు సమాధానం లేదు. కానీ కొందరు మాత్రం విమానంలో సెక్స్ కోసం తాపత్రాయ పడతారు. అలాంటి వారికి స్పెస్ గురించి తెలిసీ.. పర్యటించడానికి వెళితే... తప్పకుండా సెక్స్ కోసం తహతహలాడతారు. కానీ అక్కడి పరిస్థితులను బట్టి వీలు కాదని సైంటిస్టులు బల్లగుద్దీ మరీ చెబుతున్నారు.

English summary

Sex in space would be a nightmare scientists revealed. in space no privacy to couples