బాత్రూంలో కెమెరా పెట్టిన 'రియల్' ఏజెంట్: అమ్మాయిల నగ్న దృశ్యాల చిత్రీకరణ

సిడ్నీ: ఓ రియల్ ఎస్టేట్ ఏజెంట్ అమ్మాయిల బాత్ రూంలో సీసీ కెమెరాలు పెట్టాడు. ఆ కెమెరాల్లో వారి నగ్న దృశ్యాలను చిత్రీకరించాడు. ఈ సంఘటన ఆస్ట్రేలియాలోని సిడ్నీలో చోటు చేసుకుంది.

తూర్పు సిడ్నీలోని కింగ్స్ ఫోర్డ్ యూనిట్ అపార్టుమెంటులో యువతులు వినియోగించే బాత్‌రూంలో స్టీఫెన్ యావో (47) అనే రియల్ ఎస్టేట్ ఏజెంటు రహస్య కెమెరాలు ఏర్పాటు చేశాడు. ఈ బాత్‌రూంను 22, 23 ఏళ్ల వయసు గల యువతులు ఇద్దరు వినియోగిస్తున్నారు.

ఓ యువతి స్నానం చేస్తూ హిడెన్ కెమెరాను గుర్తించింది. దీంతో సదరు యువతి కెమెరాను తీసుకొని స్థానిక పోలీస్ స్టేషన్లో ఫిర్యాదు చేసింది. కెమెరాను పరిశీలించిన పోలీసులు.. బాత్‌రూంలో యువతులు స్నానం చేస్తున్న దృశ్యాలు రికార్డయినట్లు గుర్తించారు.

పోలీసులు స్వాధీనం చేసుకున్న రహస్య కెమెరాలతోపాటు సీసీటీవీ ఫుటేజీని కోర్టులో గురువారం నాడుప్రవేశ పెట్టారు. ముగ్గురు యువతుల నగ్న దృశ్యాలను రహస్య కెమెరాల ద్వారా చిత్రీకరించానని నిందితుడైన స్టీఫెన్ యావో కోర్టులో నేరాన్ని అంగీకరించాడు. కోర్టు నవంబరు 23వ తేదీన తన తీర్పు వెలువరిస్తుంది.

English summary

The 22 and 23 year-old women were filmed showering and on the toilet.