కూలిన విమానం: బతికిన 16 ఏళ్ల అమ్మాయి
వాషింగ్టన్: ఓ విమానం రెండు రోజుల క్రితం అదృశ్యమైంది. అయితే, అందులో ప్రయాణించిన ఓ అమ్మాయి మాత్రం కొద్ది రోజుల అనంతరం ప్రాణాలతో బతికి బయటపడింది. ఈ విషయాన్ని వాషింగ్టన్ స్టేట్ అధికారులు రెండు రోజుల క్రితం తెలిపారు.
ఆమె వయస్సు దాదాపు పదహారేళ్లు ఉంటుంది. వాషింగ్టన్లోని ఓ కొండ ప్రాంతంలో విమానం కుప్పకూలింది. అయినప్పటికీ ఆమె సజీవంగా బయటపడింది. ఈ ప్రమాదంలో ఆమె నానమ్మ, తాతయ్యలు ఇద్దరు మృతి చెందారు.
అటమ్ వీచ్ అనే బాలిక శనివారం నాడు తన నానమ్మ, తాతయ్యలతో కలిసి చిన్న ప్రయివేటు వాహనంలో విహరించింది. ఆ విమానం సాంకేతిక లోపం వల్ల కూలిపోయింది. తన వారిని బయటకు తీసుకు వచ్చేందుకు ఆ అమ్మాయి ప్రయత్నించింది.
ప్రమాదం జరిగిన స్థలంలోనే ఏడుస్తూ కూర్చుంది. ఆ తర్వాత రెండు రోజులకు ఆమె రోడ్డు మార్గానికి చేరుకుంది. ఓ వ్యక్తి ఆమెను ఆసుపత్రికి తరలించారు. ప్రమాదం నుండి బయటపడిన ఆమె రాత్రంతా ఓ నది ఒడ్డున ఉన్ననని తెలిపింది.