షాపింగ్ మాల్లో భయంకరం: ఎస్కలేటర్ దిగుతుండగా..

బీజింగ్: చైనాలోని ఓ షాపింగ్ మాల్‌లో షాకింగ్ సంఘటన చోటు చేసుకుంది. హార్బిన్ నగరంలో రద్దీగా ఉండే ఓ వ్యాపార సముదాయంలో భయంకరమైన సంఘటన చోటు చేసుకుంది. తన నాలుగేళ్ల కూతురుతో కలిసి ఓ తల్లి షాపింగ్‌కు వెళ్లింది.

కాసేపు షాపింగ్ మాల్ మొత్తం తిరిగి తనకు కావాల్సిన వస్తువులను తీసుకుంది. అనంతరం ఆ పాప చేయి పట్టుకొని ఎస్కలేటర్ ఎక్కింది. ఎస్కలేటర్ ద్వారా కిందకు వస్తోంది. ఆ సయంలోనే అనూహ్య సంఘటన చోటు చేసుకుంది.

షాపింగ్ మాల్ నిర్వాహకుల నిర్లక్ష్యంతో ఈ ప్రమాదం జరిగింది. వివిధ వస్తువులతో లోడ్ చేసి పెద్ద మొత్తం బరువుతో ఉన్న ట్రాలీ... ఎస్కలేటర్ పై నుంచి వచ్చి అమాంతం ఆ తల్లీకూతుళ్లను ఢీకొట్టింది. ఆ దెబ్బకు వారిద్దరు నేలపై పడి గాయాలపాలయ్యారు.

ఘటనకు కారణమైన వ్యక్తి అక్కడి నుంచి పారిపోయాడు. సిసిటివి ఫుటేజీలో రికార్డైన ప్రకారం తెల్ల గౌను వేసుకున్న నాలుగేళ్ల పాప... తన తల్లి చేయి పట్టుకొని షాపులో అన్నీ చూస్తూ ఎస్కలేటర్ దిగుతోంది. ఈ సమయంలో కూల్ డ్రింక్సుతో నింపిన ట్రాలీ వచ్చి అమాంతం ఢీకొట్టింది.

English summary

Terrifying moment loaded supermarket trolley crashes down escalator into unsuspecting mother and daughter