అఫ్గానిస్తాన్లో పట్టు బిగిస్తున్న తాలిబన్లు, హేల్మంద్ రాజధానిపై ఆధిపత్యం కోసం భీకర పోరాటం
అమెరికా, అఫ్గానిస్తాన్ దళాలు వరుస వైమానిక దాడులు చేస్తున్నప్పటికీ, తాలిబన్ ఫైటర్లు హేల్మంద్ ప్రావిన్స్ రాజధాని లష్కర్ గాహ్లో అడుగుపెట్టారు.
తాలిబన్లు ఒక టీవీ స్టేషన్ను కూడా స్వాధీనం చేసుకున్నట్లు చెబుతున్నారు.
"ఇక్కడ నలువైపులా యుద్ధం జరుగుతోంది" అని నగరంలోని ఒక ఆస్పత్రిలో డాక్టర్ బీబీసీతో చెప్పారు.
హేల్మంద్ ప్రావిన్స్ మొదటి నుంచి అమెరికా-బ్రిటన్ సైనిక ఆపరేషన్లకు కేంద్రంగా ఉంది.
ఇప్పుడు దాని రాజధాని లష్కర్ గాహ్ మీద తాలిబన్లు పట్టు సాధిస్తే, అది అఫ్గానిస్తాన్ ప్రభుత్వానికి పెద్ద దెబ్బే అవుతుంది.
లష్కర్ గాహ్ తాలిబన్ల అదుపులోకి వస్తే 2016 తర్వాత వారి నియంత్రణలోకి వచ్చిన ఒక ప్రావిన్స్ రాజధాని నగరం ఇదే అవుతుంది.
రేడియో, టీవీ చానళ్ల ప్రసారాలకు బ్రేక్
తాలిబన్ల దాడులు, బెదిరింపులతో హేల్మంద్లోని 11 రేడియో, నాలుగు టీవీ చానళ్లు ప్రసారాలు నిలిపివేశాయని సోమవారం అఫ్గానిస్తాన్ సమాచార, ప్రసార మంత్రిత్వ శాఖ చెప్పింది.
సెప్టెంబర్ నాటికి విదేశీ సైనిక బలగాలు వెనక్కు వెళ్లిపోతాయని ప్రకటించినప్పటి నుంచి గ్రామీణ ప్రాంతాల్లో తాలిబన్ల ఆక్రమణ వేగంగా పెరిగింది.
ఇక్కడ మానవతా సంక్షోభం భయంతోపాటూ ప్రభుత్వ బలగాలు ఎన్నిరోజులు వారిని ఎదురొడ్డి నిలుస్తాయనే ఆందోళన కూడా వ్యక్తమవుతోంది.
- తాలిబన్ల నుంచి ఏకే-47 లాక్కుని ఇద్దరిని చంపిన అఫ్గాన్ బాలిక
- మలాలా: తాలిబన్ దాడి తర్వాత తొలిసారి పాకిస్తాన్ ప్రయాణం
బీబీసీ ప్రతినిధి సికందర్ కిర్మానీ విశ్లేషణ
తాలిబన్ల మొత్తం ఫోకస్ అఫ్గానిస్తాన్లోని నగరాలపైనే ఉంది.
పరిస్థితులు మారుతున్నాయి. కానీ ఎంతోమంది అమెరికన్లు, బ్రిటిష్ సైనికులు ప్రాణాలు కోల్పోయిన హేల్మంద్ ప్రాంత రాజధాని లష్కర్ గాహ్ ఇప్పుడు అత్యంత బలహీన స్థితిలో ఉన్నట్టు కనిపిస్తోంది.
- ఆ ఊరిలో ఏ ఇంట్లో చూసినా మిసైళ్ళే...
- 1971 యుద్ధంలో భారత్ ముందు లొంగిపోయిన పాక్ ఫొటోను అఫ్గానిస్తాన్ ఉపాధ్యక్షుడు ఇప్పుడెందుకు షేర్ చేశారు?
నగరం మధ్యలో తాలిబన్ ఫైటర్లు తిరుగుతున్న వీడియోలను వారి మద్దతుదారులు సోషల్ మీడియాలో పోస్ట్ చేస్తున్నారు.
"తాలిబన్లను వెనక్కు తరిమికొట్టడానికి సాయం కోసం అఫ్గాన్ ప్రత్యేక బలగాలను పంపించారు. అయినా వాళ్లు ముందుకు చొచ్చుకు రావడం వారి బలాన్ని చూపిస్తోంది" అని ఒక స్థానికుడు మాకు చెప్పారు.
తాలిబన్ మిలిటెంట్లు సామాన్యుల ఇళ్లలో ఆశ్రయం పొందినట్లు చెబుతున్నారు. దాంతో వారిని ఎదుర్కోవడం కష్టమవుతోంది. ముందు ముందు యుద్ధం మరింత రక్తసిక్తం అయ్యేలా కనిపిస్తోంది.
ఇవి కూడా చదవండి:
- అందం కోసం సెక్స్ ఒప్పందాలు: 'నాకు కాస్మోటిక్ సర్జరీ చేయిస్తే నా శరీరం ఆరు నెలలు నీదే’
- కోవిడ్-19ను మనం నోరోవైరస్లా ఎందుకు చూడాలి? అసలు నోరోవైరస్ అంటే ఏమిటి
- ఒకప్పటి భారతదేశానికి ఇప్పటి ఇండియాకు తేడా ఇదే
- ప్రమాదం అని తెలిసినా చైనాలో ప్లాస్టిక్ సర్జరీల సంఖ్య ఎందుకు పెరుగుతోంది
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
Click it and Unblock the Notifications
Sign in with Google