త్రినేత్రుడికే ఉంటాయా మూడు కళ్లు?.. నాకు ఉన్నాయి చూడండి..! పాము ఫోటోలు వైరల్

డార్విన్ : సర్పజాతికి సాధారణంగా మానవుల మాదిరిగానే రెండు కళ్లు ఉంటాయి. అయితే ఆస్ట్రేలియాలో మూడు కళ్ల పాము కనిపించడం సోషల్ మీడియాలో వైరల్ గా మారింది. నెటిజన్లను వీపరీతంగా ఆకట్టుకుంటున్న ఈ పాము ఫోటోలను.. నార్త్ ఆస్ట్రేలియా వన్యప్రాణి సంరక్షణ శాఖ అధికారులు తమ అఫిషియల్ ఫేస్‌బుక్ పేజీలో పోస్ట్ చేశారు. బుధవారం నాడు పెట్టిన ఈ పోస్టును ఒక్కరోజు వ్యవధిలోనే 14 వేల మంది షేర్ చేయడం విశేషం.

డార్విన్ ప్రాంతంలోని అర్నెమ్ హైవేపై ఈ మూడు కళ్ల పామును ఇటీవల గుర్తించారు అధికారులు. ఒకవేళ రెండు తలలు ఉన్నాయేమోనని ఎక్స్‌రే తీయడంతో అసలు విషయం బయటపడింది. ఆ పాముకు రెండు తలలు లేవని.. ఒకే తలకు మూడు కళ్లు ఉన్నట్లు తేల్చారు. సాధారణంగా జన్యు సంబంధమైన కారణాలతో ఇలా జరిగి ఉండొచ్చని భావిస్తున్నారు.

English summary

Wildlife officials have shared pictures of a snake with three eyes that was found on a highway in Australia's Northern Territory recently. Northern Territory Parks and Wildlife took to Facebook on Wednesday to share pictures of the snake with three eyes - and their post has gone massively viral online.