హెలికాప్టర్లు ఢీ: ముగ్గురు ఫ్రాన్స్ క్రీడాకారులు, ఇద్దరు పైలెట్లు సహా 10 మంది మృతి
టీవీ షో చిత్రీకరణకు వెలుతున్న సమయంలో రెండు హెలికాప్టర్లు ప్రమాదవశాత్తు ఢీకోని 10 మంది దుర్మరణం చెందిన సంఘటన అర్జెంటినాలో జరిగింది. ఈ ప్రమాదంలో ఫ్రెంచ్ దేశస్తులు 8 మంది, అర్జెంటినాకు చెందిన ఇద్దరు పైలెట్లు మరణించారు. మంగళవారం అర్జెంటినాలోని నార్త్- వెస్ట్ ప్రాంతంలోని లా రియోజ ప్రాంతంలో ఈ దుర్ఘటన జరిగింది.
2012, 2014లో జరిగిన ఒలింపిక్స్ గేమ్స్లో వేగంగా ఈత కొట్టి (స్విమ్మింగ్) ఒక బంగారు పథకంతో పాటు మూడు మెడల్స్ సంపాదించిన కెమెలి ముఫట్ (25), 2008, 2012లో జరిగిన ఒలింపిక్స్ గేమ్స్లో బాక్సింగ్ విభాగంలో మెడల్స్ సంపాదించిన అలెక్స్ వాస్టైన్ (28), 1990లో జరిగిన ఒలింపిక్స్ గేమ్స్లో రన్నింగ్ సిగింల్స్ విభాగంలో కంచు పథకం సంపాదించిన ఫ్లోరెన్స్ ఆర్థూడ్ (57)తో సహ 10 మంది మరణించారు. ఈ ముగ్గురు ఫ్రాన్స్ దేశానికి చెందినవారే.
T F-1 (టీ ఎఫ్ 1) అనే టీవీ చానెల్ నిర్వహకులు వివిధ రంగాలలో రాణించిన క్రీడాకారులతో ప్రత్యేకంగా టీవీ షోలు నిర్వహిస్తున్నారు. టీవీ షో చిత్రీకరించడానికి ఫ్రాన్స్ నుండి ముగ్గురు క్రీడాకారులతో పాటు కొందరు టీవీ చానెల్ టెక్నీషియన్లు అర్జెంటినా చేరుకున్నారు. ఇద్దరు పైలెట్లతో పాటు రెండు హెలికాప్టర్లలో నార్త్- వెస్ట్ ప్రాంతంలోకి వెళ్లారు.
హెలిక్యాప్టర్లలో నుండి కెమెరాలతో షూటింగ్ చేస్తున్నారు. ఆ సమయంలో లా రియోజ ప్రాంతంలో ప్రమాదవశాత్తు రెండు హెలికాఫ్టర్లు ఎదురు ఎదురుగా ఢీ కొన్నాయి. ఈ ప్రమాదంలో రెండు హెలికాఫ్లర్లు బూడిదయ్యాయి. అందులో ఉన్న 10 మంది సజీవదహనం అయ్యారు. విషయం తెలుసుకున్న అర్జెంటినా అధికారులు ప్రత్యేక హెలికాప్టర్లు తీసుకుని సంఘటనా స్థలానికి చేరుకున్నారు. ఈ ప్రమాదం జరగడం దురదృష్టకరం అని అర్జైంటినా, ఫ్రాన్స్ ప్రభుత్వాలు విచారం వ్యక్తం చేశాయి.