పురుషుల అందాల పోటీలకు తాను సైతం.. ట్రాన్స్‌జెండర్ వండర్

హైదరాబాద్ : పురుషుల అందాల పోటీకి తాను సైతం అంటున్నాడు ఓ ట్రాన్స్‌జెండర్. చరిత్రలో ఎన్నడూ లేని విధంగా పోటీల్లో పాల్గొనడానికి ముందుకొచ్చాడు. దాంతో పురుషుల అందాల పోటీల్లో పాల్గొన్న తొలి ట్రాన్స్‌జెండర్‌గా చరిత్ర పుటల్లో ఓ పేజీ దక్కించుకోనున్నాడు. బ్రెజిల్ కు చెందిన 23 ఏళ్ల బెర్నార్డో రిబేరో పుట్టుకతో స్త్రీ. అయితే లింగమార్పిడి చేయించుకుని పురుషుడిగా మారాడు. బ్రెజిల్‌లో జరుగనున్న మిస్టర్‌ బ్రెజిల్‌ అందాల పోటీలకు ఎంపికయ్యాడు.

మొత్తానికి ఈ పోటీలోకి ఎంట్రీ ఇవ్వడం వెనుక మిస్టర్ బ్రెజిల్ టైటిల్ సాధించడమే నా కల అంటున్నాడు బెర్నార్డో రిబేరో. మోడల్ గా పనిచేస్తున్న బెర్నార్డో.. పుట్టుకతో అమ్మాయినైనా ఏనాడు కూడా అలా అనిపించలేదని చెబుతుంటాడు. తనలో పురుష లక్షణాలు అధికంగా ఉండటంతోనే లింగమార్పిడి చేయించుకున్నానని గర్వంగా ఫీలవుతాడు.

రియోడాస్ పెడ్రాస్ అనే టౌన్ నుంచి అందాల రేసులో ఉన్న బెర్నార్డో.. తమదైన లైఫ్‌ను ఎంజాయ్ చేయలేని చాలామందికి స్ఫూర్తిగా ఉండాలనకుంటున్నట్లు చెబుతున్నాడు. అదలావుంటే స్వలింగ సంపర్కం బ్రెజిల్‌లో నేరంగా పరిగణిస్తారు. ఆ మేరకు చట్టం కూడా తయారుచేసింది అక్కడి ప్రభుత్వం. అయితే ఈ చట్టం అమల్లోకి వచ్చిన వారం వ్యవధిలోనే పురుషుల అందాల పోటీలో బెర్నార్డో పోటీ చేస్తున్న విషయం బయటి ప్రపంచానికి తెలిసింది. మొత్తానికి బెర్నార్డోతో పాటు మరో 19 మంది పోటీపడుతుండటం గమనార్హం.

English summary

23 year old Bernardo Ribeiro will be the first ever transgender man will compete for the major male beauty title in Brazil. The contest which sends representatives to Grand Slam competitions Mister World, Mister Supranational, Mister International and Mister Global.